سبه‌ى كارمه‌ندانى هاتووچۆى سلێمانى ده‌گه‌ڕێنه‌وه‌ سه‌ر كاره‌كه‌یان

0
715
مانگرتنى كارمه‌ندانى به‌ڕێوه‌به‌رایه‌تى هاتووچۆى سلێمانى

ئه‌مشه‌و چوارشه‌ممه‌ بەڕێوەبەری كارگێڕی بەڕێوەبەرایەتی هاتووچۆی پارێزگای سلێمانی رایگه‌یاند: سبه‌ى سه‌رجه‌م كارمه‌ندانى هاتووچۆ ده‌گه‌ڕێنه‌وه‌ سه‌ر كاره‌كه‌یان، ده‌شڵێت: “داواكارییه‌كانیان گه‌یه‌ندراوه‌ته‌ جێگرى سه‌رۆكى حكومه‌ت”.

عەقیدی هاتووچۆ ئەمین ساڵح، بەڕێوەبەری كارگێڕی بەڕێوەبەرایەتی هاتووچۆی پارێزگای سلێمانی رایگه‌یاند: “پاش ئه‌وه‌ى ماوه‌یه‌كه‌ ده‌ستیان به‌ مانگرتن كردووه‌ سبەى پێنجشه‌ممه‌ سەرجەم كارمەندانی هاتووچۆ دەگەڕێنەوە سەر كارەكانیان”.

له‌باره‌ى داواكارییه‌كانى ئه‌و كارمه‌ندانه‌ و ئه‌و هۆكاره‌ى كه‌ به‌هۆیه‌وه‌ مانگرتنیان راگه‌یاندووه‌ عەقیدی هاتووچۆ ئەمین ساڵح ئه‌وه‌شى خسته‌ڕوو: “داواكارییەكانی كارمەندانی هاتووچۆ رەوایە، ئەو داواكارییانەش گەیەندراونەتە لای قوباد تاڵەبانی، جێگری سەرۆكی حكومەتی هەرێمی كوردستان و ئەویش لایەنە پەیوەندیدارەكانی راسپاردووە بەدواداچوون بۆ داواكارییەكان بكەن”.

کارمەندانى هاتووچۆ لە سلێمانى زیاتر لە دوو هەفتەیە بەهۆى دابەشنەکردنى مووچە و خراپى بارى داراییان بایکۆتى دەوامیان کردووه‌، ئه‌مه‌ به‌ زانینى ئه‌و راستییه‌ى كه‌ رۆژى سێشه‌ممه‌ 30ى ته‌مموز، مووچه‌ى ئه‌و كارمه‌ندانه‌ له‌چوارچێوه‌ى مووچه‌ى وه‌زاره‌تى ناوخۆدا دابه‌شكرا.

بەشی بکە لە
Previous Next
Close
Test Caption
Test Description goes like this