رێكخراوه‌كانى گه‌رمیان لەبارەی خراپی رەوشی سنوورەکەیان هۆشدارى ده‌ده‌نه‌ حكومه‌ت

0
294
قه‌زاى كه‌لار له‌ ناوه‌ندى ئیداره‌ى گه‌رمیان | فۆتۆ: SNN

SNN-سیروان حه‌سه‌ن

ژماره‌یه‌ك له‌ رێكخراوه‌كانى كۆمه‌ڵى مه‌ده‌نى له‌ گه‌رمیان له‌ باره‌ى ره‌وشى ته‌ندروستى له‌ سنووره‌كه‌ ئه‌وه‌ ئاشكرا ده‌كه‌ن كه‌ بڵاوبوونه‌وه‌ى ڤایرۆسى كۆرۆنا به‌شێوه‌یه‌كه‌ رێگرى نه‌كرێت كاره‌ساتى مرۆیى دروست ده‌بێت و لایه‌نه‌ ئیدارى و ته‌ندروستییه‌كانى سنوره‌كه‌ش به‌ كه‌مته‌رخه‌م ده‌زانن و بۆ ئه‌وه‌ش داواى لێكۆڵینه‌وه‌ و لێپێچینه‌وه‌ ده‌كه‌ن.

لە راگەیەندراوەکەدا کە ئاراستەی حکومەت و لایەنە پەیوەندیدارەکان کراوە ئەوە خراوەتەڕوو: “ئێمە وەك كۆمەڵێك ڕێكخراوی كۆمەڵی مەدەنی لە ئیدارەی گەرمیان سەرباری خراپی ڕەوشی تەندروستی و بەدەنگەوە نەهاتنمان لە چارەسەركردنی بەشێكی زۆر لە كێشە و كەموكوڕییەكان لە لایەن ئیدارە و دامو دەزگا پەیوەندیدارەكان بەتایبەت دامەزراوە تەندروستییەكان لە ناوچەكەماندا، داواكارین هەرچی زووە حکومەتی هەرێم و لیژنەی كاروباری تەندروستی لە پەرلەمانی کوردستان و وەزارەتی تەندروستی ، بەدەنگ داواكارییەكانمانەوە بێن بۆ تێپەڕاندنی خراپی ڕەوشی ناوچەكەمان كە خەریكە غەرق دەبێت بەهۆی زۆری بڵاوبونەوەی ڤایرۆسەكە، لە ڕێگەی ئەم داواكارییانەوە:

۱- لیژنەی کاروباری تەندروستی لە پەرلەمانی کوردستان و لیژنەیەکی تایبەت لە ئەنجوومەنی وەزیران سەردانی ناوچەکە بکەن و لێکۆڵینەوە لە کۆی کێشەکان بکەن لە کاتی دەرکەوتنی هۆکاری سەرەکی کێشەکان لێپێچینەوە لە تەواوی بەڕێوەبەر و ستافی کارگێڕی تەندروستی گەرمیان بکرێت بە خێرای گۆڕانکاری ئیداری ئەنجام بدرێت.

٢- دیاریکردنی بودجەیەکی تایبەت بە بەرەنگاربونەوەی نەخۆشی کۆرۆنا لە ناوچەکە لە لایەن حکومەتی هەرێمی کوردستان لەداهاتی ناوچەکە. یان سپاردنی سەرپەرشتی کردنی نەخۆشخانەی قەڵا بە دەزگای تەندروستی پێشمەرگە، چونکە لە ئێستادا ئەم نەخۆشخانەیە بەهۆی کەمی ستافەوە کەسانی خۆبەخش لە دەرەوەی سێکتەری تەندروستی خزمەتی دەکەن و بەڕێوەبەرایەتی تەندروستی گەرمیان لە توانایدا نییە ئیدارەی ئەو نەخۆشخانەیە بدات.

۳- دانان و چاككردنی هێڵی گەرمی ٢٤ كاتژمێری تەندوستی بۆ ناوچەكە بەمەبەستی ڕێنمایکردنی توشبووان و هاوکاریکردنیان .

٤- كردنەوەی ناوەند و نەخۆشخانەی زیاتر بە بەركەوتوانی ڤایرۆسی کۆرۆنا.

٥- بەدەنگەوە هاتنی ئەو هاوڵاتیانەی كە شوبهە یان نیشانەكانیان تیادا دەركەوتووە و هیچ نەخۆشخانەیەك دەرگایان لەسەر واڵا ناكات بۆ چارەسەركردن.

٦- لێپێچینەوە لە هەموو ئەو دەزگا ڕاگەیاندن و کەسانەی بەبێ زانیاری كە هۆكارن بۆ تۆقاندن و تێكشكاندن و شڵەژانی دەرونی هاوڵاتیان و بڵاوکردنەوەی هەواڵی ناڕاست.

٧- چاودێریکردن یان سزادانی هەموو ئەو نۆریگە ئەهلی و لاكۆڵانانەی كە بە بێ زانیاری و بە نەشارەزایی دەرمان دەدەنە هاوڵاتیان و ڕێنماییەکانی تەندروستی جێبەجێ ناکەن.

٨- جێبەجێ کردنی که‌رەنتینە بەشێوەیەکی بەرنامە بۆ داڕێژراو و تا ئەو کاتەی نەخۆشییەکە کۆنترۆڵ دەکرێت، ڕێگە گرتن لە بەڕێوەچوونی پرسە و بۆنە تایبەت و گشتییەکان لە قەزا و ناحیە و گوندەكانی سەر بە سنورەكە.

بەشی بکە لە
Previous Next
Close
Test Caption
Test Description goes like this