بانکی وەبەرهێنانی ئەمریکا پێشبینییەکانی خۆی لەبارەی ئابووری جیهان خستەڕوو

0
326

SNN

بانكی وەبەرهێنانی ئەمەریكا (Goldman Sachs) لە راپۆرتێکیدا پێشبینی دەکات لە ساڵی 2022 خواست لەسەر نەوت بگەڕێتەوە ئاستی پێش كۆرۆنا.

ماڵپەڕی بزنز ئینسایدەر وردەکاری ئەو راپۆرتەی بانکی وەبەرهێنانی ئەمریکای بڵاوکردەوە کە تیایدا ئەوەش خراوەتەڕوو قەیرانی ئابووری و دارایی جیهان بەهۆی كۆرۆناوە تا ساڵی 2025 بەردەوامی دەبێت.

هەر بە گوێرەی راپۆرتەکە گەشەی ئابووری جیهان لە نیوەی یەكەمی ساڵی داهاتوودا 2021 روو لە بەرزبوونەوە دەكات.

هەربەپێی ڕاپۆرتەكە لە داهاتوودا كەرتی پیشەسازی و ماركێتینگی ئەلیكترۆنی و پیشەسازییە كشتووكاڵییەكان و تەكنەلۆژیایی زیرەك و كەرتی ڕاوێژكاری زۆرترین دەرفەتی وەبەرهێنانیان بەردەكەوێت.

ئەو قەیرانە ئابووریەی کە بەرۆکی جیهانی گرتووە، دەرئەنجامی بڵاوبوونەوەی ڤایرۆسی کۆرۆنا و راگرتنی کەرتە پیشەسازی و گەشتیارییەکان و دابەزینی نرخی نەوتە.

بەشی بکە لە
Previous Next
Close
Test Caption
Test Description goes like this