تەندروستی هەڵەبجە بۆ یەکەمجار ئاماری گشتی کۆرۆنا لە پارێزگاکە بڵاودەکاتەوە

0
257
نەخۆشخانەی وەفا تایبه‌ت به‌ كۆرۆنا لە هەڵەبجە | فۆتۆ: عه‌لى حه‌مه‌سه‌عید / SNN

SNN-عەلی حەمە سەعید

بەگوێرەی ئامارێكی بەڕێوەبەرایەتی تەندروستی هەڵەبجە كە تایبەتە بە ژمارەی تووشبووان و چاكبوونەوە و مردن بەهۆی ڤایرۆسی كۆرۆناوە، دەردەكەوێت كە لەماوەی دوو مانگی ڕابردوودا زیاتر لە هەزار و 100 پشكنینی كۆرۆنا ئەنجامداون و زیاد لە 200 هاووڵاتی و 11 پزیشك و كارمەندی تەندروستی تووشی ڤایرۆسی كۆرۆنا بوون.

بەگوێرەی ئامارەكەی بەڕێوەبەرایەتی گشتی تەندروستی هەڵەبجە كە وێنەیەكیان بۆ SNN ناردووە ئاماژە بەوەكراوە، لە ماوەی دوو مانگی رابردوودا و دووبارە سەرهەڵدانەوەی ڤایرۆسی كۆرۆنا سەرجەم ئەو كەسانەی كە تووشی ڤایرۆسی كۆرۆنا بوون لە نەخۆشخانەی(وەفا) خراونەتە ژێرچاودێرییەوە و چارەسەری پێویستیان بۆ كراوە، بەجۆرێك تا ئێستا هەزار و 108 پشكنینی تایبەت بە ڤایرۆسی كۆرۆنا ئەنجامدراوە و لەو ژمارەیەش 202 كەس وەك هەڵگری ڤایرۆسی كۆرۆنا دەستنیشانكراون.

ئەوەشخراوەتەڕوو، لە كۆی ئەو 202 تووشبووەی كۆرۆنا تا ئێستا 73 كەسیان چاكبوونەتەوە هاوكات بەهۆی ڤایرۆسەكەوە پێنج كەسیشیان گیانیانلەدەستداوە، لە ئێستاشدا 32 تووشبووی كۆرۆنا لەنەخۆشخانەی وەفا لە ژێر چاودێریدان و ژمارەیەكی دیكەی توشبووانی كۆرۆناش لە ماڵەكانی خۆیاندا چارەسەر وەردەگرن.

هەر لەئامارەكەی بەڕێوەبەرایەتی گشتی تەندروستی هەڵەبجە ئەوەش هاتووە، تا ئێستا 11 پزیشك و كارمەندی تەندروستی تووشی ڤایرۆسی كۆرۆنا بوون، بەجۆرێك دوو پزیشك و نۆ كارمەندی تەندروستی بەهەڵگری ڤایرۆسكە دەستنیشانكراون بەڵام تا ئێستا هیچ پزیشك و كارمەندێكی تەندروستی بەهۆی كۆرۆناوە گیانیلەدەستنەداوە.

بەشی بکە لە
Previous Next
Close
Test Caption
Test Description goes like this