وەزارەتی کارەبا: کارەبای هاووڵاتیان باشتر دەبێت

0
435
کارەبا

SNN

وەزارەتی كارەبای حكومەتی هەرێم رایگەیاند: 180 مێگاوات وزه‌ی كارەبا لە وێستگەی غازی هه‌ولێر و هەردوو وێستگەی كارۆئاوی دوكان و دەربەندیخان زیادكراوه‌ و به‌وه‌ش دۆخی كاره‌بای هاووڵاتیان باشتر ده‌بێت.

وەزارەتی كارەبا لە راگەیەندراوێکیدا ئەوەی خستووەتەڕوو: بەرهەمهێنانی 100 مێگاوات كارەبا لە وێستگەی غازی هەولێر زیادكراوە و خرایە ناو  تۆڕی كارەبای نیشتمانییەوە، ئەوەش دوای ئەوەی ئەنجومەنی وەزیران و وەزارەتی دارایی بۆ پاڵپشتیكردنی وەزارەتی كارەبا لە 4ی حوزەیران بڕی 25 ملیۆن دۆلاریان بۆ كۆمپانیای ماس خەرجكرد، كە لە 11ی ئایار بەهۆی چاكسازیی لە یەكەكانی وێستگە غازییەكان بڕی 700 مێگاوات كارەبایان كەمیكردبوو.

وەزارەتی کارەبا راشیگەیاندووە: “توانیومانە بە هەماهەنگی لەگەڵ وەزارەتی كشتوكاڵ و سەرچاوەكانی ئاو، بەپێی بەرنامەی بەردانەوەی ئاو لە وەرزی هاویندا، بڕی 80 مێگاوات كارەبا لە هەردوو بەنداوی دوكان و دەربەندیخان زیادبكات، بەوەش 180 مێگاوات وزه‌ی كارەبا خرایە ناو تۆڕی كارەبا نیشتمانییەوه‌”.

بەشی بکە لە
Previous Next
Close
Test Caption
Test Description goes like this