زیاتر لە سێ ملیۆن مریشک و جوجەڵە لە هەرێم مرداربوونەتەوە

0
547

SNN

کۆمەڵەی کێڵگە پەلەوەریەکان گومانی خۆیان ڕاگەیاند لەبەرامبەر ئەو دەرمانی کوتانەی بۆ مریشک بەکاردێت، داوا دەکەن حکومەت خۆی ئەو دەرمانە دابینبکات و ڕێگەنەدرێت بازرگانی پێوەبکرێت.

نازم عەبدوڵا، جێگری سەرۆکی کۆمەڵەی کێڵگە پەلەوەریەکان لەشاری سلێمانی ڕایگەیاند :” لەئيستادا نەخۆشی نیوکاسڵ و ئایبی و گەمبۆرۆ ڕویکردۆتە مریشک و جوچکی ناو پرۆژەکانی بەخێوکردنی مریشک کە زیانێکی زۆری لەبەرهەمی ناوخۆیداوە و ترسی زۆرمان هەیە ڕێژکە زیاتربێت”.

راشیگەیاند ” گومانی زۆرمان هەیە لەسەر دەرمانی کوتانی بەرگری مریشک، پاش ئەو کوتانە مریشکەکان لەدوای پێنج ڕۆژ نەخۆش دەکەون و دەمرن”.

جەخت دەکاتەوە ” پێویستە حکومەت رێگری تەواوبکات و ڕێگەنەدات ئەو کوتانی مریشکە لە وڵاتانی دراوسێوە بازرگانەکان بیهێنن و لەهەمو دوکانێک دەستبکەوێت کە ئەمە مەترسیە لەسەر بەرهەمی ناوخۆی پەلەوەر بۆیە حکومەت خۆی پێویستە ئەو کوتانە دابینبکات و بەبڕێک پارە بیداتەوە بەخاون کێڵگە پەلەوەریەکان تا حکومەت دڵنیابێت لەکوالێتی باشی کوتانەکە و خاوەن کێڵگەکانیش بێ دودڵی بەکاریبهێنن”.

ئاماژەی بەوەشدا ” لەماوی 15 ڕۆژدا 3 ملیار دینار زیان بەر خاون کێڵگە پەلەوەریەکان گەشتووە لە سەرتاسەری کوردستان گەر رەوشەکە وا بەردەوامبێت زیانەکان بەرز دەبێتەوە بۆ 30 ملیاردینار کە بەهۆی نەخۆشیەکەوە نزیکەی 5 ملێۆن مریشک و جوچک لە لەسەرتاسەری کوردستان مردون”.

لەئێستادا خاوەن کێڵگە پەلەوەریەکان گیرۆدەن بەدەست نەخۆشی نیوکاسڵ و ئایبی و گەمبۆرۆ کە ئەم نەخۆشیانە ساڵانە هەیەو زیان بە پەلەوەر دەگەیەنێت.

بەشی بکە لە
Previous Next
Close
Test Caption
Test Description goes like this