پاریس سانجێرمان نرخی نەیمار و مباپی دیاری دەکات

0
2144
نەیمار ومباپی

SNN Sport

بە پێی زانیارییەکانی رۆژنامەی ئاسی ئیسپانی کە ئەمڕۆ یەکشەممە بە پشت بەستن بە میدیا فەرەنسییەکان بڵاویکردووەتەوە، یانەی پاریس سانجێرمان نرخی هەردو ئەستێرەی یانەکەی مباپی و نەیمار دیاری دەکات و ئامادەیە دەستبەرداری یەکێکیان ببێت.

رۆژنامەکە ئاشکرای دەکات، نرخی یەکێک لەو دوو ئەستێرە 170 ملیۆن یۆرۆ دەبێت، ئەگەر هەر یانەیەک دەیەوێت لە گواستنەوەکانی هاوینەی ئێستا یەکێک لەو دوو یاریزانە بۆ ریزەکانی بگوازێتەوە، دەبێت ئەو بڕە پارە بدات.

هەروەها نەیمار لەگەڵ پاریس رێککەوتووە بۆ چوون لەم یانەیە، ئەگەر بەرشەلۆنە ئامادەی گواستنەوەی بێت، بەڵام یانەکە کەتەلۆنیەکە سەرەڕای ئەوەی لە هاوینی رابردوو هەموو هەوڵێکی دا، تا ئێستا هیچ کارێکی بۆ گەڕانەوەی نەیمار نەکردووە.

لە کۆتایدا رۆژنامەکە نوسیویەتی، یانەی بەرشەلۆنە دەیەوێت نەیمار بگەڕێنێتەوە، بەڵام بە نیازە یاریزانی وەکو گریزمان یان عوسمان دیمبلی بخاتە گرێبەستەکەوە، چونکە یانە کەتەلۆنیەکە توانی پێدانی ئەو بڕە پارەی نیەو لە ئێستادا یانەکە رووبەڕووی قەیران بووەتەوە، لە ماوەی رابردووش مووچەی یاریزانەکانی بە رێژەی لە %70 کەمکردەوە.

بەهۆی قەیرانی ڤایرۆسی کۆرۆناوە یانەکانی ئەوروپا داهاتیان کەمبووەتەوەو نرخی یاریزانان بە بەراورد بە گواستنەوەکانی ساڵانی رابردوو، زۆر کەمیکردووە.

 

 

بەشی بکە لە
Previous Next
Close
Test Caption
Test Description goes like this