ڤیدیۆ:ریاڵ مەدرید بیلباویشی تێپەڕاندو زیاتر لە نازناوەکە نزیکبووەوە

SNN Sport

لەیارییەکانی هەفتەی 34ی خولی ئیسپانیا، یانەی ریاڵ مەدرید بردنەوەیەکی تری بەدەستهێناو توانی 1-0 شکست بە یانەی ئاتلەتیک بیلباو بهێنێت و زیاتر خۆی لە بردنەوەی نازناوەکە نزیک بکاتەوە.

یاریەکە لە یاریگای سان مامێس ئەنجامدرا، لە گێمی یەکەم دوای چەند هەوڵدانێک لە لایەن هەردو یانەوە، ئەو گێمە بە بێ گۆڵ تەواو بوو.

لە گێمی دووەم یانەی ریاڵ مەدرید سوودی لە لێدانێکی سزا بینی، کاتێک مارسێلۆ دروستیکرد، رامۆس توانی بە سەرکەوتوویی لە خولەکی 73 گۆڵی بردنەوەی یانەکەی بکات، کە گۆڵی ژمارە 10ی ئەو یاریزانە بوو لەم وەرزەی لالیگا.

بەم بردنەوە خاڵەکانی یانەی شاهانە لە پێشەنگی بووە 77 خاڵ، بە جیاوازی 7 خاڵ لە پێش یانەی بەرشەلۆنەی دووەم دێت، کە ئەمشەو رووبەڕووی یانەی ڤیاڕیاڵ دەبێتەوە.

خاڵەکانی بیلباو لە پلەی هەشتەم بووە 48 خاڵ.