له‌ناو چاكسازى گه‌ورانى سلێمانى 27 زیندانى تووشى كۆرۆنا بوون

0
354

SNN-هه‌وراز ئه‌حمه‌د

وه‌زیرى كاروكاروبارى كۆمه‌ڵاتى ڕایده‌گه‌نێت “له‌نێو زیندانى چاكسازى گه‌ورانى سلێمانى 27 سزادراو تووشى كۆرۆنا بوون كه‌ نیشانه‌یه‌كى ئه‌وتۆیان تێدا ده‌رنه‌كه‌وتووه‌ و سه‌رجه‌میان له‌ زیندانیانى دیكه‌ جیاكراونه‌ته‌وه‌ و لەژێر چاودێرى پزیشكدان”.

كوێستان محه‌مه‌د، وه‌زیرى كاروكاروبارى كۆمه‌ڵاتى به‌ SNNى ڕاگه‌یاند “تاوه‌كو ئێستا 27 زیندانى له‌نێو چاكسازى گه‌ورانى سلێمانى تووشى كۆرۆنا بوون كه‌ دۆخى ته‌ندروستییان جێگیره‌ و جیاكراونه‌ته‌وه‌ له‌ زیندانیانى دیكه‌ و لەژێر ڕێنمایى و چاودێرى پزیشكیدان”.

وتیشى: “تیمه‌كانى خۆپارێزى به‌رده‌وام ناو چاكسازى گه‌وران دەرمانڕێژ ده‌كه‌ن و هه‌موو ڕێكکارێكى پێویست گیراوه‌ته‌ به‌ر بۆ ئه‌وه‌ى ڤایرۆسه‌كه‌ زیاتر بڵاونه‌بێته‌وه‌”.

سه‌باره‌ت به‌وه‌ى ئایا به‌منزیكانه‌ موڵه‌ت یان بڕیارى لێخۆشبوون بۆ زیندانیان ده‌رده‌كرێت؟ كوێستان محه‌مه‌د وتى: “هه‌وڵده‌ده‌ین له‌گه‌ڵ حكومه‌ت به‌منزیكانه‌ مۆڵه‌ت بۆ گیراوان وه‌ربگرین بۆ ئه‌وه‌ى سه‌ردانى كه‌سوكاریان بكه‌ن”.

ڕوونیشیكرده‌وه ‌”به‌هۆى بڵاوبوونه‌وه‌ى ئه‌و حاڵه‌تانه‌ى كۆرۆنا له‌ناو چاكسازیدا مۆڵه‌ت ده‌درێت زیندانیان هه‌موو ڕۆژێك بۆ ماوه‌ى 10 خوله‌ك به‌ ئۆنلاین په‌یوه‌ندى به‌ كه‌سوكاریانه‌وه‌ بكه‌ن تاوه‌كو دڵنیان بن له‌ دۆخى ته‌ندروستییان”.

 

 

 

بەشی بکە لە
Previous Next
Close
Test Caption
Test Description goes like this