ئەفسەرێکی باڵای کەرکوک بەکۆرۆنا گیانی لەدەستدا

0
604

SNN- عیماد جەباری

بەڕێوەبەری پۆلیسی ناحیەی رەشاد لەباشووری کەرکوک بەهۆی تووشبوونی بە ڤایرۆسی کۆرۆنا گیانی لەدەستدا.

ئەحمەد عوبێدی یەکێک لە ئامۆزاکانی ئەفسەرەکە بەSNNی راگەیاند: ماوەی هەفتەیەکە بەهۆی تێکچوونی دۆخی تەندروستییەوە، عەقید موعەمەر عوبێدی بەڕێوەبەری پۆلیسی رەشاد گواستراوەتەوە بۆ نەخۆشخانەی کەرکوک و دەرکەوتبوو تووشبووی کۆرۆنا بوو.

وتیشی: “ئێوارەی ئەمڕۆ عەقید موعەمەر گیانی لەدەستداوە بەهۆی کاریگەریی ڤایرۆسەکەوە”.

پێشتر فەرماندەی پۆلیسی کەرکوکیش تووشی کۆرۆنا بوو، بەڵام لەئێستادا نەخۆشخانەی بەجێهێشتووە، وتەبێژی پۆلیس و ژمارەیەک ئەفسەر و بەڕێوەبەری بەش لەنێو بەڕێوەبەڕایەتییەکە تووشبوون و بەشێکیان بەهۆی خراپیی دۆخی تەندروستییانەوە گواستراونەتەوە بۆ نەخۆشخانە.

بەشی بکە لە
Previous Next
Close
Test Caption
Test Description goes like this