لیڤەرپوڵ کۆتینیۆ رەتدەکاتەوە

0
252

یانەی لیڤەرپوڵی ئینگلیزیی داوایەکی کۆتینیۆ رەتدەکاتەوەو نایەوێت جارێکی تر ئەو یاریزانە درێسی یانەکەی بپۆشێتەوە.

کۆتینیۆ لە گواستنەوەکانی زستانەی ساڵی 2018 بە بڕی زیاتر لە 120 ملیۆن یۆرۆ لیڤەرپوڵی بەرەو بەرشەلۆنە جێهێشت، بەڵام ئێستا پەشیمانەو دەیەوێت بگەڕێتەوە بۆ ئەو یانەیە.

رۆژنامەی سپۆرت بڵاویکردووەتەوە، کۆتینیۆ پەیوەندی بە بەرپرسانی یانەی لیڤەرپوڵەوە کردووە بۆ گەڕانەوە،ئەمەش بەهۆی بێهیوابوونی لە یانەی بایرن میونخ، ئەم یانە ئەڵمانیەش ئامادە نیە خواستنەکەی بکاتە هەمیشەیی و لە کۆتایی ئەم وەرزە دەستبەرداری دەبێت.

بە پێی زانیارییەکانی رۆژنامەی سپۆرت، یانەی لیڤەرپوڵ نەخێری بە کۆتینیۆ وتووە، ئەوانیش ئامادە نین جارێکی تر گرێبەستی لەگەڵ بکەنەوە،ئەو یاریزانە ناچارە یانەیەکی تر بۆ خۆی بدۆزێتەوە.

بە قسەی رۆژنامە ئینگلیزییەکان یانەی چێڵسی لە ئێستادا نزیکترین یانەیە لەو یاریزانە بەرازیلییەو بەرشەلۆنە ئامادەیە بە 90 ملیۆن یۆرۆ دەستبەرداری ببێت.

بەشی بکە لە
Previous Next
Close
Test Caption
Test Description goes like this