سەرۆکی حیزبێکی تورکی داوا لە کازمی دەکات وەزارەتێک بداتە تورکمان

0
151

SNN-

سەرۆکی پارتی گەلی کۆماریی تورکیا بەشێوەیەکی رەسمی داوای لە مستەفا کازمیی سەرۆکوەزیرانی عێراق کرد وەزارەتێک بداتە تورکمان.

کەمال کلیچدار ئۆغلۆ کە سەرۆکی حیزبەکەی ئۆپۆزسیۆنە لە تورکیا دەشڵێت: “ئەوان بەشێوەیەکی بەردەوام چاودێریی دۆخی تورکمان دەکەن لە ناو عێراقدا”.

وتیشی: “ئێمە لەگەڵ عێراق دۆستایەتییەکی باشمان هەیە و متمانەمان هەیە کە عێراق پارێزگاریی لە هێشتنەوەی ئەو هاوڕێیەتییە دەکات و پابەندە پێوەی”.

داواشیکرد سەرۆکوەزیرانی عێراق کار بۆ ئەوە بکات وەزیرێکی تورکمان بۆ کابینەکەی دەستنیشان بکات و برەو بەو پێکهاتەیە لە عێراق بدات.

جێی وەبیرهێنانەوەیە هەفتەی رابردوو مستەفا کازمی سەرکوەزیرانی عێراق وتی: “وەزیرێکی تورکمان کە پۆستی وەزیری دەوڵەتی دەبێت، دیاریدەکات بۆ پێکهاتەی تورکمانی”.

بەشی بکە لە
Previous Next
Close
Test Caption
Test Description goes like this