کیکی سیتین قسەی خۆی لەسەر یاریەکەی ئیسپانیۆل کرد

0
291
کیکی سیتین

SNN Sport

لە کۆنگرەیەکی رۆژنامەوانیدا کیکی سیتینی راهێنەری یانەی بەرشەلۆنە پێش یاری سبەی دێربی دژی یانەی ئیسپانیۆل، بەشداری کردو باسی لە یاریەکەو یاریزانەکانی یانەکەی کرد.

ستیتین رایگەیاند: بەڵێ یاری دێربی پێوانە ناکرێت، لەسەرمانە باشترین ئاست نیشان بدەین، من دڵخۆشم  و یانەکەم خۆشحاڵە بەکاری ئێمە،لەسەرمانە تا کۆتا رۆژ کار بکەین، راستە کارەکە قورسە بەڵام نامانەوێت خۆمان بەدەستەوە بدەین، لە یاری ڤیاریاڵ ئێمە نایاب بووین”.

دواتر وتی:” بە دڵنیاییەوە ئێمە دەمانەوێت نازناوی خولەکە ببەینەوە،ئەگەر سبەی ئێمە لەو یانەیە ببەینەوە ئێمە هۆکار نین بۆ دابەزینی ئەوان، ئەوە پەیوەندی بە کاری سەرەتای وەرزەکەی خۆیانەوە هەیە”.

لەسەر یاریزانەکانی وتی:” دی یۆنگ چاکبووەتەوەو ئێستا راهێنان دەکات لەگەڵ تیپەکە، گریزمانیش بەهرەو توانایەکی باشی هەیەو یاریکردنی سێرجی رۆبێرتۆش لە هێڵی ناوەند شتێکی گرنگە، ڤیدالیش گرێبەستی هەیەو دەیەوێت بمێنێتەوە و لە پلانەکانی ئێمەدایە لەم وەرزە،ئانسۆ فاتیش بە شێوەیەکی گەورە ئاستی بەرز بووەتەوە خۆشحاڵین بە ئاستی ئەو یاریزانەو بەرەوپێشەوە چووە”.

 

 

بەشی بکە لە
Previous Next
Close
Test Caption
Test Description goes like this