جۆنینیۆ:كه‌لتوری تۆپی پێ له به‌رازیل له سه‌ر چاوچنۆكی وه‌ستاوه
جۆنینیۆ
SNN Sport
جۆنینیۆ یاریزانی پێشووی به‌رازیل ره‌خنه‌ی له ئه‌و بیره باوه‌ی نێو یاریزانانی به‌رازیل گرت كه هەمیشە لە هه‌وڵدان بۆ به‌ده‌ستهێنانی پاره.
جۆنینیۆ له لێدوانێكیدا بۆ رۆژنامه‌ی ” گاردیان ” وتی ” له به‌رازیل فێر ده‌بین ته‌نیا بایه‌خ به پاره بده‌ین ، به‌ڵام عه‌قلیه‌تەكه له ئه‌وروپا جیاوازه”.
وتیشی ” پلانه‌كانم دارێژراو نه‌بوون ، ویستم بچمه یانه‌یه‌كی گه‌وره له به‌رازیل ، نه‌ك بۆ به‌ره‌وپێشبردنی تواناكانمان ، چونكه فێربووم په‌یوه‌ندی به‌وه‌وه بكه‌م كێ زیاتر ده‌دات ، ئه‌مه شیوازه به‌رازیلیه‌كه‌یه “.
هه‌روه‌ها وتی ” سەیری نەیمار بکەن، چووه یانه‌ی پاریس سان جێرمان له پێناو پاره‌دا ، یانه پاریسیه‌كه هه‌موو شتێكی پێ به‌خشی کە ئەو ده‌یویست، ئێستا حه‌ز ده‌كات بڕوات پێش كۆتایهاتنی گرێبه‌سته‌كه‌ی “.
له درێژه‌ی لێدوانه‌كەیدا وتی ” كاتی به‌خشین هاتووه و نیشاندانی په‌یوه‌ندیكردن به یانه‌یەکە‌وه ، ئه‌مه پرۆسەیه‌كی ئاڵوگۆڕه ، پێویسته له سه‌ر نەیمار زۆرترین تواناكانی له‌گه‌ڵ تیپه‌كه پێشكه‌ش بكات له‌گه‌ڵ تیپه‌كه‌ی ئێستای و خاوه‌ن به‌رپرسیارێتی بێت “.
له كۆتاییدا وتی ” گرفت ئه‌وه‌یە كه شێوازه باوه‌كه له به‌رازیل كه‌لتوری چاوچنۆكییه ، هه‌میشه پاره‌ی زیاترمان ده‌وێت ، ئه‌مه‌یه كه فێربووین و نەیماریش فێری بووه “.
پەرەپێدراوە و دروستکراوە