یه‌كێتی و یه‌كگرتوو له‌سه‌ر ئاستی باڵا کۆبوونەوە

0
577

SNN

له‌سه‌ر ئاستی باڵا یه‌كێتیی نیشتیمانیی كوردستان و یه‌كگرتووی ئیسلامی كوردستان له سلێمانی ‌کۆبوونەوە.

لە کۆبوونەوەکەدا کە یەکێتی لەسەر ئاستی مەڵبەند بەشداری تێدا کردبوو، تاوتوێی پەیوەندییەکانی نێوان هەرێم و بەغدا کرا و جەخت لە پتەوکردنی پەیوەندی نێوان لایەنەکانی هەرێم کرایەوە.

دوای كۆتاییهاتنی كۆبوونه‌وه‌كه‌ له‌ كۆنفرانسێكی ڕۆژنامه‌وانیدا ناوه‌ڕۆكی كۆبوونه‌وه‌كه‌ خرایه‌ڕوو.

جه‌زا سه‌ید مه‌جید لێپرسراوی مه‌ڵبه‌ندی 1 ی ڕێكخستنی یه‌كێتیی نیشتمانیی كوردستان رایگه‌یاند: پێویسته‌ پێكه‌وه‌ قه‌یرانه‌كان تێپه‌ڕێنین و ده‌بێت گوزه‌رانی خه‌ڵك چاك بكرێت.

وتیشی: هاوسه‌رۆكه‌كانی یه‌كێتی بڕوای ته‌واویان به‌ ته‌بایی نێوان لایه‌نه‌كان هه‌یه‌.

یه‌كگرتووی ئیسلامیش ڕایگه‌یاند ئه‌وان له‌گه‌ڵ پڕۆژه‌ی لامه‌ركه‌زین چونکە بە دەستوور و یاسا رێکخراوە و پشتیوانی لێده‌كه‌ن، پێویستیشه‌ حكومه‌ت بودجه‌ی زیاتر بۆ كۆنترۆڵكردنی كۆرۆنا ته‌رخان بكات و نابێت ده‌ست بۆ مووچه‌ی فه‌رمانبه‌ران ببرێت و بڕینی مووچه‌ی فه‌رمانبه‌ران ده‌بێت كۆتایی پێبێت.

یه‌كێتی زنجیره‌یه‌ك كۆبونه‌وه‌ی له‌گه‌ڵ لایه‌نه‌ سیاسیه‌كان ده‌ستپێكردوه‌، پێشتریش هاوسه‌رۆكی ئه‌و حیزبه‌ و وه‌فدێكی باڵای مه‌كته‌بی سیاسیان سه‌ردانی بزوتنه‌وه‌ی گۆڕانیان كرد.

بەشی بکە لە
Previous Next
Close
Test Caption
Test Description goes like this