عێراق به‌رزترین رێژه‌ى تووشبوونى به‌ كۆرۆنا تۆمار كرد

0
164
نه‌خۆشخانه‌یه‌كى كۆرۆنا له‌ سلێمانى | فۆتۆ: هه‌وراز ئه‌حمه‌د / SNN

كه‌مێك له‌مه‌وبه‌ر وه‌زاره‌تى ته‌ندروستیی عێراق ئامارى 24 كاتژمێرى رابردووى بڵاوكرده‌وه‌ و رایگه‌یاند: 2 هه‌زار و 741 كه‌سى تر له‌ عێراق تووشى كۆرۆنا بوون، هه‌زار و 627 تووشبووش چاكبوونه‌ته‌وه‌، له‌ به‌رامبه‌ردا 94 تووشبوو گیانیان له‌ده‌ستداوه‌.

له‌ به‌یاننامه‌یه‌كدا كه‌ ئه‌مڕۆ چوارشه‌ممه‌‌ بڵاوكراوه‌ته‌وه‌ وه‌زاره‌تى ته‌ندروستیی عێراق ئاشكرایكردووه‌: “له‌ كۆى 12 هه‌زار و 807 پشكنین كه‌ ئه‌نجامدراون 2 هه‌زار و 741 حاڵه‌تى نوێى تووشبوون ده‌ستنیشانكراون”.

له‌باره‌ى حاڵه‌ته‌كانى چاكبوونه‌وه‌‌وه وه‌زاره‌تى ته‌ندروستى ئه‌وه‌شى خستووه‌ته‌ڕوو، “له‌ ماوه‌ى شه‌ورۆژى رابردوودا هه‌زار و 627 تووشبووى كۆرۆنا چاكبوونه‌ته‌وه‌ و ڤایرۆسه‌كه‌یان تێپه‌ڕاندووه‌”.

وه‌زاره‌تى ته‌ندروستى له‌ به‌یاننامه‌كه‌یدا رێژه‌ى مردنیشى خستووه‌ته‌ڕوو و كه‌ تێیدا هاتووه‌، “94 تووشبوو به‌ ڤایرۆسه‌كه‌ گیانیان له‌ده‌ستداوه‌”.

به‌پێى ئاماره‌كان له‌ سه‌ره‌تاى بڵاوبوونه‌وه‌ى ڤایرۆسى كۆرۆنا تاوه‌كو ئێستا 67 هه‌زار و 442 كه‌س تووشى كۆرۆنا بوون، 37 هه‌زار و 879 تووشبوو چاكبوونه‌ته‌وه‌، 26 هه‌زار و 784 تووشبوو له‌ژێر چاودێریدان له‌ نه‌خۆشخانه‌كاندا، 403 تووشبوو له‌ژێر چاودێرى چڕدان و 2 هه‌زار و 779 تووشبوو گیانیان له‌ده‌ستداوه‌.

بەشی بکە لە
Previous Next
Close
Test Caption
Test Description goes like this