یارییەکانی ئەم وەرزەی خولی فەرەنسا تەواو ناکرێت
خولی فەرەنسا
میدیاکانی فەرەنسا هەواڵی هەڵوەشانەوەی خولی وڵاتەکەیان بەهۆی مەترسییەکانی ڤایرۆسی کۆرۆنا رادەگەیەنن.
رۆژنامەی لیکیپ ئێوارەی ئەمڕۆ بڵاویکردووەتەوە، خولی فەرەنسا هەڵدەوەشێنرێتەوەو ئەمڕۆش بەرەسمی بڕیاری لەسەر دەدرێت و یارییەکانی ئەم وەرزە تەواو ناکرێت.
خولی فەرەنسا 28 هەفتەی لێ تەواو بووەو یانەی پاریس سانجێرمان بە کۆکردنەوەی 68 خاڵ لە پلەی یەکەم دەبینرێت.
چەند رۆژێک پێش ئێستا خولی هۆڵەندا هەڵوەشێنرایەوەو بڕیاری تەواونەکردنی دراو تا ئێستاش چارەنوسی خولەکانی ئیسپانیا، ئیتاڵیا، ئینگلتەراو ئەڵمانیا نادیارە.
لە فەرەنسا زیاتر لە 165000 کەس توشی ڤایرۆسی کۆرۆنا بوون و زیاتر لە 23000 هەزار کەسیش گیانیان لە دەستداوە.
پەرەپێدراوە و دروستکراوە