بەبێ‌ پشكنین هەزاران دەروێش لە رۆژهەڵاتەوە هاتونەتە پێنجوێن و هێزە ئەمنیەكانیش ڕێگریان لێدەكەن

0
3026

SNN- عەلی حەمە سەعید

بە مەبەستی بەشداریكردن لە پرسە و بەخاكسپاردنی (شێخ محەمەد) رابەری تەریقەتی قادری، بە هەزاران دەروێش لە ڕۆژهەڵاتی كوردستانەوە لە ڕێگەی مەرزی باشماخەوە بە بێ‌ پشكنین هاتونەتە باشووری کوردستان و لایەنە پەیوەندیدارەكانیش داوای هێزی زیاتریان كردووە بۆ ڕێگریكردنیان لە چوونیان بۆ شاری سلێمانی.

بە گوێرەی ئەو زانیاریانەی لە مەرزی باشماخەوە بە SNN دراون ئەوە خراوەتە ڕوولە دوانیوەڕۆی ئەمڕووە، ژمارەیەكی زۆر لە دەروێشانی دانیشتووی شارە جیاوازەكانی رۆژهەڵاتی کوردستان كە بە دوو هەزار دەروێش مەزەندە دەكرێن، لە ڕێگەی مەرزی باشماخەوە هاتونەتە سنووری قەزای پێنجوێن بەبێ‌ ئەوەی رێگە بدەن لایەنە پەیوەندیدارەكان رێكارە تەندروستییەكانیان بۆ ئەنجامبدەن و پشكنینیان بۆ بكرێت.

ئاماژەی بەوەشكرد، هەرچەندە هێزەكانی پاسداران لە دیوی ئێرانەوە رووبەڕوویان بوونەتەوە و تەنانەت سێ‌ دەروێشییان لێكوژراوە و یەكێكیشیان بە برینداری خۆی گەیاندوەتە مەرزی باشماخ، بەڵام ئەوان سووربوون كە دەبێت بەشداری لە مەراسیمی بەخاکسپاردنی (شێخ محەمەد كەسنەزانی)دا بكەن، لەئێستادا ئەو دەروێشانە بە پیادەڕەوەی بەرەو ناو قەزای سەیدسادق كەوتونەتە ڕێ‌ و گەیشتوونەتە ناو سەنتەری قەزاكەوە.

ئەو سەرچاوەیە ئەوەشی خستەڕوو، بەهۆی زۆری ژمارەی ئەو دەروێشانە بەرپرسانی مەرزی باشماخ داوایان لە لایەنە پەیوەندیدارەكانی سلێمانی كردووە كە هێزی ئاسایش و دژە تیرۆریان بۆ ڕەوانە بكەن بۆ ئەوەی ڕێگە نەدرێت بگەنە شاری سلێمانی.

بەشی بکە لە
Previous Next
Close
Test Caption
Test Description goes like this