فۆرمۆلا1 بۆ جاری دووه‌م ماوه‌ی راگرتن درێژ ده‌كاته‌وه
فۆرمۆلا
یه‌كێتی نێوده‌وڵه‌تی ئۆتۆمبێل، درێژكردنه‌وه‌ی داخستنی كۆمپانیاكانی تیپ و دروستكه‌ری بزوێنه‌ران له پاڵه‌وانێتی جیهان بۆ پێشبڕكێكانی فۆرمۆلا1 بۆ دووه‌مین جار راگه‌یاند، ئەمەش بۆ ماوه‌ی 63 رۆژی له سه‌ر یه‌ك به‌هۆی ڤایرۆسی كورۆناوه .
یه‌كێتیه‌كه له به‌یاننامه‌یەكیدا وتی ” ئه‌نجومه‌نی جیهانی بۆ وه‌رزشی بزوێنه‌ره‌كان درێژكردنه‌وه‌كه‌ی په‌سه‌ند كردو ئه‌گه‌ری هه‌یه له حوزەیران جێبه‌جێبكرێت به پێی واده‌كانی داخستنی تیپه‌كان ،پاش 35 رۆژی رابردوو”.
راگرتن سه‌ره‌تا له مانگی ئازار بوو ، کێبڕکێکانی وه‌رزشه‌كه بە هیوای گه‌ڕانه‌وه بوو بۆ ركابه‌رییه‌كان له ئایاردا ، ده‌بوایه راگرتنه‌كه بۆ ماوه‌ی 21 رۆژ به‌رده‌وام بێت ، به‌ڵام له مانگی نیسان جارێکی تر درێژ كرایه‌وه .
هه‌میشه تیپه‌كان له مانگی ئاب-دا پشوو وه‌رده‌گرن ، به‌ڵام ئه‌مه له ئێستادا به‌رده‌ست نیه ، بۆ ئه‌وه‌ی فۆرمۆلا1 كات به‌ده‌ست بهێنێت بۆ سازكردنی پێشبڕكێ دواخراوه‌كان به هۆی ڤایرۆسی كورۆناوه.
فۆرمۆلا1 هیواداره وه‌رزەکە له ته‌مووزی داهاتوو له نه‌مسا ده‌ستپێبكات ، به بێ ئاماده‌بوونی جه‌ماوه‌ر ئەگه‌ر حكومه‌ت هێمای سه‌وزی هه‌ڵكرد .
