تەندروستی هەرێم: وەک هەڵگری ڤایرۆسی کۆرۆنا لە دەروێشەکان دەڕوانین

0
490

SNN

وتەبێژی تەندروستی هەرێم ڕایگەیاند: وه‌زاره‌تی ته‌ندروستی وه‌كو هه‌ڵگری ڤایرۆسی كۆرۆنا لە دەروێشەکان دەڕوانێت و بە مەترسی تەندروستی سەیریان دەکات.

محه‌مه‌د خۆشناو، وته‌بێژی وه‌زاره‌تی ته‌ندروستی هه‌رێم بە دەنگی ئەمریکای وتووە: “پێویسته‌ هاووڵاتیان به ‌هیچ شێوه‌یه‌ك هیچ جۆره‌ به‌ركه‌وتنێكیان له‌گه‌ڵ ئه‌وانه‌ نه‌بێت ‌و دانانی ئه‌و پرسه‌یه‌ش كارێكی زۆر ناته‌ندروست و نازانستییە.”

باسی لەوەشکردووە، “هه‌موو جۆره‌ كۆبوونه‌وه‌یه‌ك له‌ ئێستادا مه‌ترسی زۆر گه‌وره‌یە و دەکرێت كاره‌ساتی زۆر گه‌وره‌ی به‌دوادا بێت”.

ئاماژەی بەوەشکردووە، “مه‌ترسیه‌كه‌ هه‌موو ئه‌و شوێنانه‌ ده‌گرێته‌وه‌ كه‌ دەروێشەکانی پێیدا تێپه‌ڕ بوون‌.”

دوێنێ بە مەبەستی بەشداریکردنیان لە بەخاکسپاردنی تەرمی شێخ محەمەدی کەسنەزانی سەرۆکی تەریقەتی قادری، سەدان مورید و دەروێشی تەریقەتەکە لە باشماخ و چەند بازگەیەکی دیکە بەبێ پشکنین تێپەڕین.

بەشی بکە لە
Previous Next
Close
Test Caption
Test Description goes like this