2848 كه‌سى تر له‌ عێراق تووشى كۆرۆنا بوون

0
104
چاودێریكردنى تووشبوویه‌ك له‌ نەخۆشخانەیه‌كى کۆرۆنا لە سلێمانی | فۆتۆ: هەوراز ئەحمەد / SNN

كه‌مێك له‌مه‌وبه‌ر وه‌زاره‌تى ته‌ندروستیی عێراق ئامارى 24 كاتژمێرى رابردووى تایبه‌ت به‌ ڤایرۆسى كۆرۆناى بڵاوكرده‌وه‌ و رایگه‌یاند: 2 هه‌زار و 848 كه‌سى تر له‌ عێراق تووشى كۆرۆنا بوون، هه‌زار و 878 تووشبوو چاكبوونه‌ته‌وه‌ و له‌ به‌رامبه‌ردا 78 تووشبوو گیانیان له‌ده‌ستداوه‌.

له‌ راگه‌یه‌نراوێكدا كه‌ ئه‌مڕۆ هه‌ینى بڵاوكراوه‌ته‌وه‌ وه‌زاره‌تى ته‌ندروستیی عێراق ئاشكرایكردووه‌: “له‌ كۆى 12 هه‌زار و 54 پشكنین كه‌ ئه‌نجامدراون 2 هه‌زار و 848 حاڵه‌تى نوێى تووشبوون ده‌ستنیشانكراون”.

وه‌زاره‌تى ته‌ندروستى له‌ به‌یاننامه‌كه‌یدا رێژه‌ى مردنیشى خستووه‌ته‌ڕوو و كه‌ تێیدا هاتووه‌، “78 تووشبوو به‌ ڤایرۆسه‌كه‌ گیانیان له‌ده‌ستداوه‌”.

له‌باره‌ى حاڵه‌ته‌كانى چاكبوونه‌وه‌‌وه وه‌زاره‌تى ته‌ندروستى ئاماژه‌ى به‌وه‌شكردووه‌، “له‌ ماوه‌ى رۆژى رابردوودا هه‌زار و 878 تووشبووى كۆرۆنا چاكبوونه‌ته‌وه‌ و ڤایرۆسه‌كه‌یان تێپه‌ڕاندووه‌”.

به‌پێى ئاماره‌كان له‌ سه‌ره‌تاى بڵاوبوونه‌وه‌ى ڤایرۆسى كۆرۆنا له‌ عێراق تاوه‌كو ئێستا 72 هه‌زار و 460 كه‌س تووشى كۆرۆنا بوون، 41 هه‌زار و 380 تووشبوو چاكبوونه‌ته‌وه‌، 404 تووشبوو له‌ژێر چاودێرى چڕدان و 2 هه‌زار و 960 تووشبوو گیانیان له‌ده‌ستداوه‌.

بەشی بکە لە
Previous Next
Close
Test Caption
Test Description goes like this