زانكۆی هەڵەبجە خوێندنی بە ئۆنڵاین راگەیاند

0
221

 

بۆیەكەمجار ئەنجومەنی زانكۆی هەڵەبجە بڕیاریاندا كە لەسەرەتای هەفتەی داهاتوەوە دەست بكەن بە خوێندنی ئۆنڵاین لەسەرجەم كۆلێژ و بەشەكانی زانكۆ، هاوكات خوێندن لەسەرجەم بەشەكان تا بەروای 8ی حوزەیران بەردەوام دەبێت، هاوكات خشتەی تاقیكردنەوەكانیشیان بۆ خوێندكارانی بەشە جیاوازەكان راگەیاند.

لە ڕاگەیەندراوێكی سەرۆكایەتی زانكۆی هەڵەبجە كە وێنەیەكیان تایبەت بۆ SNNناردووە ئاماژە بەوەكراوە، لە دواین كۆبوونەوەی ئەنجوومەنی زانكۆی هەڵەبجە بڕیاردرا كە خوێندنی ئەلیكترۆنی پاڵشتیكار لە 2ی ئایار لەسەرجەم كۆلیژ و بەشەكان دەست پێبكات، بەجۆرێك ئەو بەشانەی كە سیستمی خوێندنیان ساڵانەیە بەردەوام دەبن لەخوێندن تاوەكو 8ی حوزەیرانی 2020.

ئاماژە بەوەشكراوە، ئەو بەشە زانستیانەی كە خوێندنیان پۆلۆنیایە یان سیمستەرە بەردەوام دەبن لە خوێندن تا بەرواری 18ی حوزەیران، هەروەها تاقیكردنەوەی خولی یەكەمی سیمستەری ساڵانە لە بەرواری 13ی حوزەیران بۆ 2ی تەمموز دەستپێدەكات وەرزی دووەمیش لە 20ح حوزەیران بۆ 2ی تەمموز دەستپێدەكات.

هەر لەو راگەیەندراوەی سەرۆكایەتی زانكۆی هەڵەبجە ئەوەشهاتووە، ئەنجامی تاقیكردنەوەكان لە 7ی تەممەوز دەدرێتەوە بە خوێندكاران و لە 11ی تەمموز ئەنجامی سەرجەم تانەی خوێندكاران رادەگەیەندرێت، هاوكات لە بەرواری 1ی ئاب تا بەرواری 1ی ئەیلول دەبێتە پشووی مامۆستایانی بەشە جیاوازەكانی زانكۆ.

بەشی بکە لە
Previous Next
Close
Test Caption
Test Description goes like this