هه‌زار و 699 تووشبووى كۆرۆنا له عێراق چاكبوونه‌وه
نه‌خۆشخانه‌یى (شه‌هید تاهیر عه‌لى والى به‌گ) له سلێمانى تایبه‌ت به كۆرۆنا | فۆتۆ: هه‌وراز ئه‌حمه‌د / SNN
كه‌مێك له‌مه‌وبه‌ر وه‌زاره‌تى ته‌ندروستیی عێراق ئامارى 24 كاتژمێرى رابردووى تایبه‌ت به ڤایرۆسى كۆرۆناى بڵاوكرده‌وه و رایگه‌یاند: 2 هه‌زار و 734 كه‌سى تر له عێراق تووشى كۆرۆنا بوون، هه‌زار و 699 تووشبوو چاكبوونه‌ته‌وه و له به‌رامبه‌ردا 95 تووشبوو گیانیان له‌ده‌ستداوه.
له راگه‌یه‌نراوێكدا كه ئه‌مڕۆ شه‌ممه بڵاوكراوه‌ته‌وه وه‌زاره‌تى ته‌ندروستیی عێراق ئاشكرایكردووه: ” 2 هه‌زار و 734 حاڵه‌تى نوێى تووشبوون ده‌ستنیشانكراون”.
وه‌زاره‌تى ته‌ندروستى له به‌یاننامه‌كه‌یدا رێژه‌ى مردنیشى خستووه‌ته‌ڕوو و كه تێیدا هاتووه، “95 تووشبوو به ڤایرۆسه‌كه گیانیان له‌ده‌ستداوه”.
له‌باره‌ى حاڵه‌ته‌كانى چاكبوونه‌وه‌‌وه وه‌زاره‌تى ته‌ندروستى ئاماژه‌ى به‌وه‌شكردووه، “له ماوه‌ى شه‌و و رۆژى رابردوودا هه‌زار و 699 تووشبووى كۆرۆنا چاكبوونه‌ته‌وه و ڤایرۆسه‌كه‌یان تێپه‌ڕاندووه”.
به‌پێى ئاماره‌كان له سه‌ره‌تاى بڵاوبوونه‌وه‌ى ڤایرۆسى كۆرۆنا له عێراق تاوه‌كو ئێستا 75 هه‌زار و 194 كه‌س تووشبوون، 43 هه‌زار و 79 تووشبوو چاكبوونه‌ته‌وه، 400 تووشبوو له‌ژێر چاودێرى چڕدان و 3 هه‌زار و 55 تووشبوو گیانیان له‌ده‌ستداوه.
پەرەپێدراوە و دروستکراوە