تا کۆرۆنا هەبێت مامەڵەی هاووڵاتیان رایی ناکرێت

0
196
 
ئه‌مڕۆ چوارشه‌ممه‌ 29ى نیسان، وته‌بێژى به‌ڕێوەبه‌رایه‌تى پۆلیسى هاتووچۆى سلێمانى رایگه‌یاند “كارمه‌ندانى هاتوچۆ له‌ كاركردن به‌رده‌وامن، به‌ڵام تاوه‌كو مه‌ترسى ڤایرۆسى كۆرۆنا هه‌بێت مامه‌ڵه‌ى هاووڵاتیان رایى ناكرێت”.
 
كاروان سدیق، وته‌بێژى به‌ڕێوەبه‌رایه‌تى پۆلیسى هاتووچۆى سلێمانى به‌ snnى ڕاگه‌یاند :له‌ كاتژمێر 6ى ئێواره‌وه‌ به‌ بڕیارى وه‌زاره‌تى ناوخۆ قه‌ده‌غه‌ى هاتوچۆ به‌رده‌وامه‌، بۆیه‌ تاوه‌كو ژیان به‌ ته‌واوه‌تى ئاساى نه‌بێته‌وه‌ و قه‌ده‌غه‌ى هاتوچۆ هه‌ڵنه‌گیرێت له‌م قۆناغه‌دا كار به‌ كامێراكانى چاودێرى ناكرێت.
 
ووتیشى”راسته‌ قۆناغ به‌ قۆناغ خه‌ریكه‌ ژیان ئاساى ده‌بێته‌وه‌ به‌ڵام ده‌بینین مه‌ترسى ڤایرۆسى كۆرۆنا هێشتا نه‌ڕه‌ویوه‌ته‌وه‌، بۆیه‌ ده‌ستپێكردنه‌وه‌ى ده‌وام و به‌ڕێكردنى مامه‌ڵه‌ى هاووڵاتیان له‌ ده‌ستى حكومه‌تى هه‌رێمدایه‌و چاوه‌ڕوانى بڕیارى ئه‌وانین”.
بەشی بکە لە
Previous Next
Close
Test Caption
Test Description goes like this