رکابەری ئەمریکا و چین گرفتی بۆ کۆمپانیا جیهانییەکان دروستکردووە

0
217

SNN

وڵاتان و کۆمپانیا جیهانییەکان کەوتوونەتە گێژاوی رکابەری و ناکۆکییەکانی نێوان ئەمریکا و چین لە بواری تەکنەلۆژیادا، ناچاریش دەکرێن لایەنگری یەکێک لەو دوو وڵاتە بکەن لە کاتێکدا ناکۆکییەکانی نێوانیان دەبێتە هۆی زیانگەیاندن بە کۆمپانیا جیهانییەکان.

کۆمپانیای تیک تۆکی چینی، تایبەت بە بڵاوکردنەوەی گرتە ڤیدیۆی کورت، کەوتووەتە نێوان بەرداشی ناکۆکییەکانی نێوان ئەو دوو وڵاتەوە، ئەپەکە کە سەدان ملیۆن بەکارهێنەری لە هیندستان و ئەمریکا هەیە، لەلایەن هیندستانەوە قەدەغە کراوە.

حکومەتی هیندستان جگە لە تیک تۆک، دوو ئەپی دیکەی چینی قەدەغەکردووە، کە ئەوانیش ئەپی (ویچات) و (یو سی براوزەر)ن کە بەکارهێنەرێکی زۆریان لە هیندستان هەبووە.

بەریتانیاش پێداچوونەوە دەکات بە پێدانی مۆڵەت بە کۆمپانیای هواوی تا هاوکاربێت لە بنیادنانی تۆڕی نەوەی پێنجەم 5G بۆ بەریتانیا.

ئەمریکاش وەک رکابەرێکی سەرسەختی چین تاوتوێی قەدەغەکردنی ئەپی تیک تۆک دەکات و بە “مەترسی بۆ سەر ئاسایشی نیشتمانی” وەسفی دەکات، بە پاساوی ئەوەی ئەپەکە بۆ سیخوڕیکردن بەکارهاتووە.

رکابەرییەکانی نێوان ئەمریکا و چین لە بواری تەکنەلۆژیادا ئێستا بە روونی لە (هەواڵگری دەستکرد) و هێڵی ئینتەرنێتی زۆر خێرای نەوەی پێنجەم (5G) بۆ موبایل و چەند بابەتێکی دیکەدا بە زەقی دەبینرێت.

 

بەشی بکە لە
Previous Next
Close
Test Caption
Test Description goes like this