هاوسه‌رۆكى یه‌كێتى له گرفته‌كانى ته‌ندروستى گه‌رمیان ده‌كۆڵێته‌وه
SNN- سیروان حەسەن
ئه‌مڕۆ شاندێكى یه‌كێتیى نیشتمانیى كوردستان به‌سه‌رپه‌ر‌شتى لاهور شێخ جه‌نگى سه‌ردانى گه‌رمیانیان كردوو مه‌به‌ستى سه‌ردانه‌كه بۆ چه‌ند پرسێك بووە كەگرنگترینیان له نزیکه‌وه ئاگاداربوونە له‌كێشه‌و گرفته‌كانى كه‌رتى ته‌ندروستى له ناوچه‌كه كه ماوه‌یه‌كه ژماره‌ى تووشبووان به‌ڤایرۆسی كۆرۆنا و ڕێژه‌ى مردن ڕوو له‌زیادبوونه.
له‌به‌شێكى سه‌ردانه‌كه‌یاندا شانده‌كه‌ى یه‌كێتى سه‌ردانى به‌ڕێوه‌به‌رایه‌تى گشتى ته‌ندروستى گه‌رمیان كردو له‌گه‌ڵ به‌ڕێوه‌به‌رى گشتى ته‌ندروستى و به‌شێك له پزیشك و كارمه‌ندان كۆبوونه‌وه.
له‌مباره‌یه‌وه د. میران محه‌مه‌د ئه‌ندامى مه‌كته‌بى سیاسی یه‌كێتیى نیشتمانیى كوردستان له لێدوانێكدا بۆ كه‌ناڵه‌كانى راگه‌یاند وتی” وه‌ك شاندى یه‌كێتیى نیشتمانیى كوردستان بۆ نزیكه‌وه ئاگاداربوونە له ره‌وشى ته‌ندروستى گه‌رمیان و دواكارییه‌كانیان سه‌ردانى ناوچه‌كه‌یان كردووه و دواى سه‌ردانى به‌ڕێوه‌به‌رایه‌تى گشتى ته‌ندروستى داوایان كردووه به پڕۆپۆزه‌ڵێك هه‌رچى داواكارییان هه‌یه ئاماده‌ى بكه‌ن”.
وتیشى، “وه‌كو یه‌كێتى ئاماده‌ین هه‌رچى چاره‌سه‌رو جۆره ده‌رمانێك ته‌ندروستى گه‌رمیان داواى بكات بۆ چاره‌سه‌رى ڤایرۆسی كۆرۆنا له هه‌ر وڵاتێك بێت بۆى دێنن و دابینى ده‌كه‌ین”.
” له‌درێژه‌ى سه‌ردانه‌كه‌یاندا شانده‌كه‌ى یه‌كێتى سه‌ردانى مه‌ڵبه‌ندى گه‌رمیانی كردووه”.
