سامان بەرزنجی: زۆرترین تووشبووی کۆرۆنا لەهەرێم لەڕەگەزی مێ-ن

0
319
سامان به‌رزنجى، وه‌زیرى ته‌ندروستیی هه‌رێم | فۆتۆ: حكومه‌تى هه‌رێم
SNN-مەودا مستەفا

وەزیری تەندروستی هەرێم رایدەگەیەنێت: “زیاتر لە 4000 تووشبووی کۆرۆنا لەنەخۆشخانەکاندا ماون، بۆیە دوورکەوتنەوە لەیەکتری و دانانی ماسک گەورەترین رێککاری خۆپارێزییە”.

لەکۆنفرانسێکی رۆژنامەوانیدا سامان بەرزنجی وەزیری تەندروستیی هەرێم وتی: “95٪ ی ئەو پێداویستییانەی دابینکراوە بۆ کۆرۆنا لەسەر ئەرکی حکومەتی هەرێمی کوردستان بووە”.

وتیشی: “بڕیارمانداوە بە خۆ کەرەنتینە کردنی هاووڵاتیان لەماڵەکانی خۆیان و تیمە پزیشکییەکان چاودێرییان دەکەن و شوێنی بۆنە و قەرەباڵغەکان بەداخراویی دەمێننەوە”.

بەرزنجی راشیگەیاند “حاڵەتە نوێیەکان بەشێوەیەکی توندترن لەڕووی نیشانە و زیادبوونی رێژەی مردن (3.4٪) زیادیکردووە و کەسێک 1.7 کەسی دیکە تووشدەکات”.

وەزیری تەندروستی راشیگەیاند “بەدابەزینێکی چەند ژمارەیی نابێت فریو بخۆین و کەمبوونەوەی تووشبوون لەڕۆژێکدا نیشانەی ئەوە نییە کۆرۆنا لەهەرێم لاواز بووە”.

وتیشی: “زۆرترین تووشبوو لەڕەگەزی مێ-ن و کەمترین تووشبوو رەگەزی نێر-ن کە 62٪ بەرامبەر بە 38٪ ن”.

بەشی بکە لە
Previous Next
Close
Test Caption
Test Description goes like this