بەریتانیا لە چاوەڕوانی شەپۆلێکی مەترسیداری کۆرۆنادایە

0
308

SNN

زانایان هۆشداری دەدەن لەبارەی دروستبوونی شەپۆلێکی دیکەی پەتای کۆرۆنا لە بەریتانیا کە پێشبینی گیانلەدەستدانی 120 هەزار تووشبووی کۆرۆنای لێدەکرێت.

ماڵپەری بی بی سی بەریتانی بڵاویکردووەتەوە، زانایان پێشبینییان کردووە لە وەرزی زستانی داهاتوودا ئەو شەپۆلەی پەتای کۆرۆنا بەریتانیا بگرێتەوە ئەوەش قوربانی زۆری لێبکەوێتەوە.

زانایان وتوویانە، ئەگەر لە ئێستادا رێکارەکانی خۆپارێزی توندبکەنەوە، پێدەچێت ژمارەی حاڵەتەکانی تووشبوون و گیانلەدەستدان لە وەرزی سەرما و سۆڵەدا کەمبکەنەوە.

تا ئەمڕۆ 44 هەزار و 830 حاڵەتی گیانلەدەستدان بە کۆرۆنا لە بەریتانیا تۆمارکراوە، ئەم رێژەیە لە مانگی تەمووزدا کەمتربووەتەوە و لە سەرەتای ئەم مانگەوە هەزار و 100 حاڵەتی گیانلەدەستدان تۆمارکراوە.

بی بی سی هۆکاری زیاتر بڵاوبوونەوەی کۆرۆنای لە وەرزی زستاندا بۆ ئەوە گەڕاندووەتەوە، زانایان وتوویانە ڤایرۆسی کۆرۆنا لەو وەرزەدا زیاتر لە جەستەدا دەمێنێتەوە، هاوکات بەهۆی کەشوهەوای ساردەوە هاووڵاتیان زیاتر لە شوێنە داخراوەکاندا دەمێننەوە.

بەشی بکە لە
Previous Next
Close
Test Caption
Test Description goes like this