سلێمانى، 66 رێكخراوى كۆمه‌ڵى مه‌ده‌نى داوای كه‌مكردنه‌وه‌ى نرخى نۆرینگه‌ تایبه‌ته‌كان ده‌کەن

0
448

SNN-هه‌وراز ئه‌حمه‌د

ئه‌مڕۆ پێنجشه‌ممه‌ 16ى ته‌مموز، ژماره‌یه‌ك له‌ ڕێكخراوه‌كانى كۆمه‌ڵى مه‌ده‌نى له‌گه‌ڵ ئه‌نجومەنی پارێزگاى سلێمانى كۆبونه‌وه‌ و یاداشتێكیان ئاراستەی‌ حكومه‌ت و وه‌زاره‌تى ته‌ندروستى و ئه‌نجومه‌نى پارێزگا و په‌رله‌مانى كوردستان کرد سه‌باره‌ت به‌ كه‌مكردنه‌وه‌ى نرخى نۆرینگه‌ تایبه‌ته‌كان.

هیوا عه‌بدوڵا، چالاكوانى كۆمه‌ڵى مه‌ده‌نى له‌ كۆنگره‌یه‌كى رۆژنامه‌وانیدا رایگه‌یاند :”له‌ ئێستادا ڤایرۆسى كۆرۆنا ته‌نگى به‌هاووڵاتییان هه‌ڵچینه‌وه‌ و بارودۆخى ئابوورى خه‌ڵكیش له‌و په‌ڕى خراپیدایه‌، بۆیه‌ له‌م قۆناغه‌دا پێویسته‌ وه‌ك ئه‌ركێكى نیشتمانى دكتۆر و خاوه‌ن نۆرینگه‌ و نه‌خۆشخانه‌ تایبه‌ته‌كان نرخه‌كانیان دابه‌زێنن تاوه‌كو كه‌مێك له‌ بارگرانى سه‌ر شانى هاووڵاتییان كه‌م بكه‌نه‌وه‌”.

وتیشى “یاداشتێكمان به‌ نوێنه‌رایه‌تى 66 رێكخراوى كۆمه‌ڵى مه‌ده‌نى ئاراسته‌ لایه‌نه‌ په‌یوه‌ندیداره‌كان كردووه‌ و له‌چه‌ند رۆژى داهاتووشدا له‌گه‌ڵ وه‌زیرى ته‌ندروستى كۆده‌بینه‌وه‌ بۆ ئه‌وه‌ى له‌ ماوه‌یه‌كى كورتدا ئه‌م یاداشته‌ بخرێته‌ بوارى جێبه‌جێكردنه‌وه‌ و كارى پێبكرێت”.

هاوكات ڕێبوار ئه‌حمه‌د، سه‌رۆكى لیژنه‌ى ته‌ندروستى له‌ ئه‌نجومه‌نى پارێزگاى سلێمانى رایگه‌یاند :”بۆ چاره‌سه‌رى ئه‌م پرسه‌ به‌وه‌زاره‌تى ته‌ندروستى و سه‌ندیكاى پزیشكانمان وتوه‌ ده‌بێت كه‌رتى گشتى ته‌ندروستى و تایبه‌ت لێك جیابكرێـته‌وه‌ زیاتر گرنگى به‌ نه‌خۆشخانه‌ گشتییه‌كان بدرێت باشترین خزمه‌تگوزارى ته‌ندروستى پێشكه‌شى هاووڵاتییان بكرێت بۆ ئه‌وه‌ى نه‌خۆش كه‌متر ڕوو له‌ نه‌خۆشخانه‌ تایبه‌ت و نۆرینگه‌كان بكه‌ن “.

بەشی بکە لە
Previous Next
Close
Test Caption
Test Description goes like this