خاوەنى نەمامگەیەک و دوو کرێکاری بە کوژراوی دۆزرانەوە

0
2866
نه‌وزاد سابیر، قوربانى | فۆتۆ: SNN

SNN – عیماد جەباری
لە نزیک گوندی سەقزلی لە باکووری کەرکوک تەرمی خاوەنى نەمامگەیەک و دوو کرێکاری بە کوژراوی دۆزراونەتەوە.

به‌پێى زانیارییه‌كانى SNNی كه‌ له‌ پۆلیسى كه‌ركوك ده‌ستیكه‌وتوون، “لە نزیک گوندی سەقزلی تەرمی خاوەنى نەمامگەی چراخان و دوو کرێکاری بە کوژراوی دۆزراونەتەوە لەنێو نەمامگەکەی خۆیان، خاوەنى نەمامگەکە ناوی (نه‌وزاد سابیر)ه‌ لەنێو ژوورەکەی خۆیدا تەرمەکەی دۆزراوەتەوە کە دەستی بە کەلەبچەی لاستیکی بەستراوەتەوە، شوێنەواری حه‌وت گوللـە بە جه‌سته‌یه‌وه‌ هه‌یه‌ کە یەکێکیان نراوه‌ به‌ سەرییه‌وه‌”.

هه‌ر به‌پێى زانیارییه‌كان، “هەر لەنێو دارەکانی نەمامگەکەدا تەرمی هەردوو کرێکارەکەی دۆزراوەتەوە کە بەهەمان شێوە کەلەبچەکراون و بەدەمانجە کوژراون کە خەڵکی پارێزگای دیالەن”.

لە ماوەی مانگێکدا ئەمە سێیەم رووداوی كوشتنه‌ كه‌ لەو سنوورە روبدات کە گوماندەکرێت لەلایەن چەکدارانی داعشەوە ئەنجامدرابێت، پێشتریش خاوەنى کێڵگەیەک رفێندرا و چەکدارێکی خۆکوژیش لەنێو کێڵگەیەکی دیکەدا لەکاتی پەلاماردانی بەڕێوبەری هەواڵگریی کوژرا.

بەشی بکە لە
Previous Next
Close
Test Caption
Test Description goes like this