زۆرینەی کۆچبەرانی ساڵی رابردووی تورکیا بە رەچەڵەک عێراقی بوون

SNN

دەزگای ئاماری تورکیا لە راپۆرتێکدا بڵاویکردەوە ساڵی رابردوو 675 هەزار کۆچبەر روویان لە تورکیا کردووە کە زۆرینەیان عێراقی بوون.

ئاژانسی ئەنادۆڵی تورکی، ئەمڕۆ هەینی ئامارێکی دەزگای ئاماری ئەو وڵاتەی لەبارەی ژمارەی کۆچبەران ساڵی 2019 بڵاوکردۆتەوە و تێیدا هاتوە، ژمارەی کۆچبەران لە ساڵی رابردوودا بە رێژەی لەسەدا 17.2 زیادیکردوە، 677 هەزار و 42 کۆچبەر روویان لە تورکیا کردوە.

ئەوەش ئاشکراکراوە، لەو کۆچبەرانەی روویان لە تورکیا کردوە، لەسەدا 54.4 لە رەگەزی نێرن و لەسەدا 45.6 لەرەگەزی مێن.

راپۆرتەکە ئاماژەی بەوەشکردوە، زۆرترین ژمارەی کۆچبەران لە تورکیا عێراقین کە رێژەی 14.5% پێکدەهێنن.