کوردێک لەلایەن زانکۆیەکی جیهانییەوە بڕوانامەی رێزلێنانی پێدەبەخشرێت

0
415

SNN-

لەلایەن زانکۆی هارڤاردی ئەمریکییەوە بڕوانامەی رێزلێنان بەخشرایە دلێر سەمەد بەڕێوەبەری پەیوەندییە گشتییەکانی پارێزگای کەرکوک لەپای هەوڵەکانی بۆ هاوکاریکردنی تووشبووانی کۆرۆنا لەڕووی دەروونی و کۆمەڵاتییەوە.

لەو بارەیەوە دلێر سەمەد بەڕێوەبەری پەیوەندییە گشتییەکان لەپارێزگای کەرکوک بەSNNی وت: “ماوەی دوو مانگە هەموو هەوڵەکان بۆ هاوکاریکردنی تووشبووانی کۆرۆنا لەکەرکوک لەڕووی دەرونی و کۆمەڵایەتییەوە لەلایەن زانکۆی هارڤاردی ئەمریکییەوە چاودێری دەکرێت”.

وتیشی: “لەپای ئەو هەوڵ و چالاکییانەم کە ئەنجاممداون لەو رووەوە، زانکۆی ناوبراو لەسەر ئاستی عێراق بڕوانامەی رێزلێنانی پێبەخشیم”.

لەدوای سەرهەڵدانی کۆرۆنا لەکەرکوک و پێکهێنانی شانەی قەیران بۆ رووبەڕووبوونەوەی ڤایرۆسەکە، دلێر سەمەد وەکو ئەندامی ئەو شانەیە دەستبەکاربوو، لەو ماوەیەشدا جیا لەئەرکەکەی خۆی، هاوکاری تووشبووانی کۆرۆنا بووە و بەردەوامیش سەرپەرشتی هەڵمەتەکانی کۆکردنەوەی هاوکاری و کۆمەککردنی تەندروستی کەرکوکی کردووە.

وێنەی بڕوانامەکە

بەشی بکە لە
Previous Next
Close
Test Caption
Test Description goes like this