“نوێژ كردنى به‌كۆمه‌ڵ له پارك و هه‌ندێ شوێن مه‌ترسیدارترە وه‌ك له مزگه‌وته‌كان”
عه‌تا پێنجوێنى، جێگرى سه‌رۆكى لقى سلێمانى زانایانى ئیسلامى كوردستان به snnرایگه‌یاند: ئه‌مڕۆ شاندێكى یه‌كێتى زانایانى ئیسلامى و چه‌ند مامۆستایایه‌كى ئاینى له‌گه‌ڵ پارێزگارى سلێمانى كۆبونه‌وته‌وه سه‌باره‌ت به‌داواكارى كردنه‌وه‌ى ده‌رگاى مزگه‌وته‌كان”.
ووتیشى”مانگى ره‌مه‌زانه و ناتوانرێت رێگرى بكه‌ین له نوێژخوێنان كه نوێژى به‌كۆمه‌ڵ نه‌كه‌ن، بۆیه من واى بۆ ده‌چم كه نوێژ كردنى به‌كۆمه‌ڵ له پارك و هه‌ندێ شوێن مه‌ترسیدارتر بێت وه‌ك له مزگه‌وته‌كان چونكه له مزگه‌وته‌كانه‌وه به‌رده‌وام رێنماى خۆپارێزى بڵاو ده‌كه‌ینه‌وه و پاك خاوێنی و ڕژانى بۆ ده‌كرێت، بۆیه سبه‌ى هه‌ینى پێشبینى ده‌كه‌ین ئه‌گه‌ر ده‌رگاى مزگه‌وته‌كانیش نه‌كرێته‌وه به‌شێوه‌یه‌كى به‌رچاو لێره و له‌وى نوێژخوێنان نوێژى به‌كۆمه‌ڵ بكه‌ن”.
له باره‌ى كردنه‌وى ده‌رگاى مزگه‌وته‌كانى عه‌تا پێنجوێنى وتى”هێشتا ئه‌وه یه‌كلا نه‌بۆته‌وه كه ئایا 2 ئایار ده‌رگاى مزگه‌وته‌كان ده‌كرێته‌وه یاخود نا، به‌ڵام ئێمه فشاره‌كانمان به‌رده‌وامه له‌سه‌ر حكومه‌ت بۆ ئه‌وه‌ى ئه‌م مانگى ره‌مه‌زانه به‌بێ كردنه‌وه‌ى ده‌رگاى مزگه‌وته‌كان تێنه‌په‌ڕێت”.
