تەندروستی هەولێر: قەدەغەی هاتووچۆی تەواو بە باش نازانین

0
289

SNN- مەودا مستەفا

وتەبێژی تەندروستی هەولێر ڕایدەگەیەنێت “بۆ قۆناغی ئێستا قەدەغەی هاتووچۆی تەواو لەنێو سەنتەری شار بە باش نازانین، چونكە ئەگەر لایەنی باشی هەبێت، لایەنی خراپیشی هەیە.”

بژار مووسا، وتەبێژی تەندروستی هەولێر بە SNNی ڕاگەیاند: ڕاستە ئێمە لەسەرەتای هاتنی ڤایرۆسی كۆرۆنا داوای قەدەغەی هاتووچۆی تەواومان كردووە و ئێستاش هەمان داواكاریمان هەیە، بەڵام دەبێت دۆخی ژیانی خەڵك لە پێش چاو بگرین و ئەگەر لایەنی باشی هەبێت، لایەنی خراپیشی هەیە کە ئەوەیە كاریگەری لەسەر ئەو نەخۆشانە دەبێت نەخۆشی درێژخایەنیان هەیە بەتایبەتی ئەوانەی نەخۆشی دڵیان هەیە لەكاتی تێكچوونی بارودۆخیان ناتوانن بە ئاسانی بگەنە نەخۆشخانەكان.

وتیشی: “بۆیە بیر لەوە كرایەوە قەدەغەی هاتووچۆی تەواو هەڵبگیرێت و خۆپارێزی تاك دەستپێبكرێت و ئەو شوێنانەی كە پابەندی رێنماییەكانی تەندروستی نابن بۆ ماوەیەك دابخرێن و سزای مادیش بدرێن، تاکو جارێكی تر سەرپێچی نەكەوە” .

بەپێی دوایین ئاماری بەڕێوبەرایەتی تەندروستی هەولێر لە ئێستادا 735 تووشبووی كۆرۆنا لە نەخۆشخانەكان ماونەتەوە و66 كەسیش گیانیان لە دەستداوە.

بەشی بکە لە
Previous Next
Close
Test Caption
Test Description goes like this