دەزگای میت-ی تورکی 2500 جیهادی تونسیی لەسوریاوە دەگوێزێتەوە بۆ لیبیا

0
475

SNN-

چالاکوانە سورییەکان دەڵێن: “دەزگای هەواڵگریی تورکیا گروپە چەکدارە جیهادییەکان و ئەندامانی داعش لەسوریاوە دەگوێزنەوە بۆ لیبیا و بەشداری شەڕی ئەو وڵاتەیان پێدەکەن”.

روانگەی سوریی بۆ مافەکانی مرۆڤ رایگەیاندووە “میت-ی تورکیی زیاتر لە 2500 چەکداری داعش و گرووپە توندڕەوەکانی سوریای لەڕەگەزنامەی تونسیی ناردووەتە لیبیا تا دژی لیوا خەلیفە حەفتەر بجەنگن و پشتیوانیی هێزەکانی سوپای نیشتمانی لیبیا بکەن”.

بەپێی ئامارێکی روانگەکە، تائێستا 16100 چەکداری سوریی کە 340 یان تەمەنیان خوار 18 ساڵە، لەلایەن میت-ی تورکیاوە براونەتە لیبیا و لەو ژمارەیە 5600 کەسیان گەڕاونەتەوە سوریا دوای تەواوبوونی ئەرکیان.

تورکیا مانگانە 8 هەزار لیرە بۆ 11 هەزار لیرە دەداتە هەر چەکدارێک کە ئامادە بێت بچێت لە لیبیا بجەنگێت و هەندێکجار لەلایەن فەرماندەکانی ئەو گرووپانەوە پارەکانیان دەخورێت و نادرێت پێیان.

تائێستا ئەو گرووپانەی بۆ بەرژەوەندیی تورکیا شەڕ دەکەن لە لیبیا 470 کەسیان لێ کوژراوە و 33 منداڵیشیان تێدایە.

بەشی بکە لە
Previous Next
Close
Test Caption
Test Description goes like this