دوا زانیاری لەبارەی دۆسییەی مامۆستا کەلەپچەکراوەکەی کەرکوک

0
653

SNN-عیماد جەباری

لەلایەن هەردوو وەزارەتی ناوخۆ و تەندروستی عێراقەوە دوو لیژنە رەوانەی کەرکوک کرا بۆ لێکۆڵیبەوە لەدۆسێی کەلەپچەکردنی مامۆستایەک بە قەروێڵەی ژنە کۆچکردۆکەیەوە لەنێو نەخۆشخانەی گشتی کەرکوک.

لەو بارەیەوە پۆڵا غازی پارێزەری خۆبەخشی مامۆستاکە بە SNNی راگەیاند: لەدوێنێوە دوو لیژنەی باڵا لەوەزارەتی ناوخۆ و وزارەتی تەندروستی عێراقەوە گەیشتوونەتە کەرکوک بۆ لێکۆڵینەوە لەو رووداوە و هەردوو لیژنەکەش گوێبیستی مامۆستا محەمەد کەریم بوون کە لەگرتەیەکی ڤیدیۆییدا دەردەکەوێت دەستی بەستراوەتە قەڕوێڵەی ژنە کۆچکردووەکەیەوە.

وتیشی :”لەئێستادا ئەفسەرێک و سێ کارمەندی پۆلیس بەپلەی مفەوەز کە ئەو رۆژە لەبنکەی پۆلیسی قۆریە دەوامیان کردووە دەستگیرکراون و گواستراونەتەوە بۆ گرتوخانەی ئینزیباتی پۆلیس”.

ئەو پارێزەرە ئەوەشی خستەڕوو کە سبەی یەکشەممە لەدادگای کەرکوک سکاڵای یاسایی دژی سەرجەم ئەو کەسانە تۆماردەکەن کە کەمتەرخەمبوون و بوونە هۆی گیانلەدەستدانی ئەو ژنە.

لەئێستادا تیمێکی پارێزەرانی خۆبەخش بۆ بەرگری لەدۆسێکەی مامۆستا محەمەد کەریم پێکهێنراون کە لە شەش پارێزەر پێکهاتوون.

رووداوەکە رۆژی 13ی مانگ روویداوە کاتێک محەمەد کەریم بەهۆی شکاندنی ئامێرێکەوە دەستی دەبەسترێتە بەقەڕوێڵەی ژنەکەیەوە، وەکو خۆشی پێشتر بە SNNی وتبوو، بەبەرچاومەوە مونای هاوژینم گیانیلەدەستدا، بەبێ ئەوەی بتوانم هیچ کارێک بکەم.

بڵاوبونەوەی گرتە ڤیدیۆیی ئەو رووداوەش کاردانەوەی لێکەوتەوەو بەهۆیەوە وەزیری ناوخۆ و وەزیری تەندروستی لیژنەیان پێکهێناو رەوانەی کەرکوکیان کرد.

بەشی بکە لە
Previous Next
Close
Test Caption
Test Description goes like this