هه‌ڵمه‌تێكى به‌رفراوانی هۆشیاری و چه‌ند پڕۆژه‌یه‌ك بۆ خۆپارێزی له‌كۆرۆنا ده‌ستپێده‌كات

0
180

SNN-سیروان حه‌سه‌ن

دواى زیادبوونى ژماره‌ى تووشبووان و مردن به‌ كۆرۆنا ئیداره‌ى گه‌رمیان له‌ هه‌نگاوێكى نوێیدا هه‌ڵمه‌تێكى هۆشیاری به‌رفراوان و چه‌ند پڕۆژه‌یه‌كیان ده‌ستپێكردووه‌ بۆ خۆپارێزى له‌ ڤایرۆسی كۆرۆنا و بۆ ئه‌و مه‌به‌سته‌ش زۆربه‌ى توێژه‌كانیان به‌شداركردووه‌ له‌ هه‌ڵمه‌ته‌كه‌دا.

هه‌ڤاڵ ئیبراهیم وته‌بێژى ئیداره‌ى گه‌رمیان به‌ snnى راگه‌یاند: له‌پێناو هه‌وڵدان بۆ كه‌مكردنه‌وه‌ى ڕێژه‌ى تووشبووان به‌ڤایرۆسی كۆرۆنا و هه‌روه‌ها هاوكارى كردنى ته‌ندروستى ناوچه‌كه‌ و ئاسایكردنه‌وه‌ى ئه‌و بارودۆخه‌ى گه‌رمیان تێیدایه‌، وه‌كو ئیداره‌ى گه‌رمیان پشتگیرى و هاوكارى چه‌ند پڕۆژه‌یه‌كیان كردووه‌ و هه‌ڵمه‌تێكى هۆشیارى به‌رفراوانیشیان راگه‌یاندووه‌.

وتیشى، “سه‌باره‌ت به‌ پڕۆژه‌كان هه‌ر له‌ دروستكردنى تیمى مۆبایل كه‌ به‌سه‌ر تووشبوواندا ده‌گه‌ڕێن له‌ ماڵان، هه‌روه‌ها پڕۆژه‌ى دانانى ئامێرى پاكژكردنه‌وه‌ یان ته‌عقیم و پشتگیرى و ئاسانكارى بۆ رێكخراوه‌كان له‌ دابه‌شكردنى پێداویستى و هاوكارى پزیشكى ئیداره‌ى گه‌رمیان به‌ هه‌موو توانایه‌وه‌ به‌ تایبه‌ت له‌ ڕووى مادییه‌وه‌ هاوكاربووه”‌.

هه‌ڤاڵ ئیبراهیم راشیگه‌یاند، حاڵى حازریش له‌گه‌ڵ هه‌موو توێژه‌كان، له‌ زانكۆ، په‌یمانگا، مامۆستاو زانایانى ئاینى، راگه‌یاندنكاران و رێكخراوه‌كان سه‌رقاڵى ئه‌نجامدانى هه‌ڵمه‌تێكى هۆشیاری فراوانن به‌مه‌به‌ستى دروستكردنی ئیراده‌ی خۆپارێزی لای تاكه‌كانى كۆمه‌ڵگا و هۆشیاركردنه‌وه‌ى به‌ ئامانجى كه‌مكردنه‌وه‌ى ڕێژه‌ى تووشبووان.

پێشتر د. هاوار وشیار به‌رێوه‌به‌رى نه‌خۆشخانه‌ى گشتى كه‌لار به‌SNNى راگه‌یاند: راسته‌ له‌ ڕووى ده‌رمان و هه‌ندێك پێداویستى پزیشكییه‌وه‌ كه‌رتى ته‌ندروستى گه‌رمیان زۆر باش بووه‌، به‌ڵام ڕێژه‌ى تووشبوون به‌ ڤایرۆسه‌كه‌ له‌ ئاستێكى زۆردایه‌ و تاكه‌ ڕێگه‌ش خۆپارێزى هاووڵاتییانه‌ كه‌ ده‌بێته‌ هۆى كه‌مبوونه‌وه‌ى رێژه‌ى تووشبووان.

بەشی بکە لە
Previous Next
Close
Test Caption
Test Description goes like this