هەزاران ئەندام وازیان لە پارتەکەی ئەردۆغان هێناوە

0
579

SNN

ناڕەزایەتی بەشێک لە ئەندامانی پارتی داد و گەشەپێدانی تورکیا بەرامبەر بە سیاسەتەکانی ڕەجەب تەییب ئەردۆغان سەرۆکی ئەو ئاکەپە، وایکردووە هەزاران ئەندام دەستبەرداری پارتەکەیان ببن.

رۆژنامەی شەرقول ئەوسەت لەوبارەیەوە نوسیویەتی، تا دێت باڵباڵێن و ناکۆکی ناو ئاکەپە زیاد دەکات، بەو هۆیەشەوە لە هەڵبژاردنی ناوخۆیی تورکیاوە کە مانگی ئازاری ساڵی رابردوو ئەنجامدرا تا ئێستا، نزیکەی 16 هەزار ئەندام دەستبەرداری ئەو پارتە بوون.

رۆژنامەکە ئەوەشی ئاشکراکردووە، لەم دواییەدا 15 ئەندامی ناڕازی دەستبەرداری ئاکەپە بوون کە ئەندامی دیاری ناو پارتەکە بوون، لە نێویاندا ئامینە جوکتاش سەرۆکی سکرتاریەتی ژنانی پارتەکە لە پارێزگای ماردین و 14 ئەندامی سکرتاریەتەکەی تێدابوو، دواتریش هەموویان پەیوەندییان بە پارتی “موستەقبەل”ی تورکیاوە کرد بە سەرۆکایەتی ئەحمەد داودئۆغلو.

هەفتەی رابردووش پێنج سەرۆک شارەوانی سەر بە ئاکەپە وازهێنانی خۆیان لە پارتەکە راگەیاند بە بێ ئەوەی هۆکارەکەی بۆ میدیاکان روونبکەنەوە.

ئەو ئەندامانەش کە بە ئاشکرا هۆکاری وازهێنانیان لە ئاکەپە باسدەکەن، رایانگەیاندووە، لە سیاسەتە تاکڕەوییەکانی ئەردۆغان ناڕازین و بە هۆکاری گرفتی ئابووری وڵاتەکەی دادەنێن.

بەشی بکە لە
Previous Next
Close
Test Caption
Test Description goes like this