سێ گەنجی کورد بە تۆمەتی سوتاندنی وێنەی سولەیمانی زیندانی دەکرێن

0
175

SNN

رێکخراوی هەنگاو بۆ مافەکانی مرۆڤ رایگەیاندووە: سێ گەنجی رۆژهەڵاتی کوردستان بە تۆمەتی سوتاندنی وێنەی قاسم سولەیمانی فەرماندەی کوژراوی فەیلەقی قودس، سزای زیندانییان بەسەردا سەپێندراوە و گەنجێکی دیکەش دەستگیرکراوە و هێشتا کەیسەکەی یەکلانەکراوەتەوە.

رێکخراوەکە بڵاویکردووەتەوە، ئەو چوار گەنجە دانیشتووی شاری بانەن، تۆمەتباربوون بە سوتاندنی وێنەی قاسم سولەیمانی، هاوکات تۆمەتی ئەندامبوون لە حزبێکی کوردستانی دژ بە حکومەتیان بەسەردا ساغکراوەتەوە.

ئەوەش خراوەتەڕوو: بە پێی ئەو فەرمانە کە لەلایەن دادگای شۆڕشی شاری سەقزەوە بەسەریاندا سەپاوە، ئارمان حوسێن زادە تەمەن 20 ساڵ بە شەش ساڵ و حەوت مانگ، میلاد حوسێنی تەمەن 19 ساڵ بە شەش ساڵ و شەش مانگ، بەهمەن ڕەحیمی تەمەن 19 ساڵ بە سێ ساڵ و شەش مانگ زیندانی حوکم دراون. هەتا ئێستا سینا عەبدوڵڵاهی تەمەن 17 ساڵ حوکمەکەی پێڕانەگەیەندراوە.

رۆژی 3ی مانگی کانونی دووەمی ئەمساڵ، قاسم سولەیمانی فەرماندەی سوپای قودسی سەر بە سوپای پاسداران لەگەڵ ئەبو مەھدی موھەندیس جێگری سەرۆکی حەشدی شەعبی، لە بۆردومانێکی فڕۆکەکانی ئەمریکادا لە فڕۆکەخانەی نێودەوڵەتی بەغدا کوژران.

بەشی بکە لە
Previous Next
Close
Test Caption
Test Description goes like this