هه‌ڵبژارده‌ی لاوانی عێراق ده‌ست به‌ راهێنانه‌ به‌ كۆمه‌ڵه‌كان ده‌كاته‌وه‌

0
100
هەڵبژاردەی لاوانی عێراق

SNN Sport- حسین کەرکوکی

وا بڕیاره‌  هه‌ڵبژارده‌ی لاوانی عێراق ببێته‌ یه‌كه‌م تیپ كه‌ ده‌ست به‌ راهێنانه‌ به‌ كۆمه‌ڵه‌كان بكاتەوە له‌ وڵاتەکەی، ئەمەش پاش بڵاوبوونەو‌ه‌ی ڤایرۆسی كۆرۆناو وەستانی مەشق و راهێنانەکان و گشت چالاکییەکانی تۆپی پێ لەو وڵاتە.

قه‌حتان جه‌سیر راهێنه‌ری هه‌ڵبژارده‌ی لاوانی عێراق له‌ لێدوانێكیدا کە پێگە عێراقییەکان بڵاویانکردووەتەوە وتی:” ده‌سته‌ی  ئاساییكردنه‌وه‌ی یه‌كێتی تۆپی پێی عێراق ، توانی گلۆپی سه‌وز  له‌ لیژنه‌ی باڵا بۆ ته‌ندروستی و سه‌لامه‌تی بەده‌ست بهێنێت بۆ کۆبوونەوە و ئه‌نجامدانی راهێنانه‌ به‌ كۆمه‌ڵه‌كان “.

هه‌روەها وتی:” راهێنانه‌كانی لاوانی عێراق پاش پشووی چه‌ژنی قوربان ده‌ستپێده‌كات له‌ پاش به‌ده‌ستهێنانی ره‌زامه‌ندی له‌ شانه‌ی قه‌یرانه‌كان ، به‌و مه‌رجه‌ی شوێنه‌كه‌ دیاری بكرێت یان یاریگای ( شه‌عب ) یاخود ( بورج ) له‌ زانكۆی به‌غداد – جادریه‌  بێت”.

جێی ئاماژه‌ پێكردنه‌  هه‌ڵبژارده‌ی لاوانی عێراق  له‌ كۆتایی ئه‌م ساڵدا بەشداربوونی لە كۆتاییه‌كانی ئاسیا  لە پێشەو چاوه‌ڕوانی ده‌كات.

عێراق لە گروپی دووەم لەگەڵ هەڵبژاردەکانی کۆریای باشوور، ژاپۆن و  بەحرەین لە جامی ئاسیای خوار تەمەنی 19 ساڵان یاری دەکات.

 

بەشی بکە لە
Previous Next
Close
Test Caption
Test Description goes like this