بەهۆی تێکچوونی تەندروستی شا سەلمان سەردانەکەی کازمی بۆ سعودیە دواخرا

0
444

SNN

وەزیری دەرەوەی سعودیە رایگەیاند :”بەهۆی تێکچوونی دۆخی تەندروستی سەلمان بن عەبدولعەزیز، پادشای سعودیە سەردانی ئەمڕۆی مستەفا کازمی، سەرۆک وەزیرانی عێراق بۆ سعودیە دواخرا”.

عادل جوبێر وەزیری دەرەوەی سعودیە لە تویتێکدا دەڵێت: ” سعودیە سەردانەکەی مستەفا کازمی بۆ وڵاتەکەی وەک یەکەم وڵات پاش دەستبەکاربوونی بەهەند وەردەگرێت و بەوپەڕی سەرکەوتنەوە تەماشای دەکات، هیوای سەرکەوتنی بۆ دەخوازین لە بەرامبەر ئەو کارانەی ئەنجامی داوە و ئەو هەماهەنگییە پتەوەی لەگەڵ گەلانی عێراق هەیەتی، بۆیە سەردانەکەی بۆ وڵاتی سعودیە دواخرا تا پادشای وڵاتەکە لە نەخۆشخانە دێتە دەرەوە”.

هاوکار دیوانی شای سعودیە لە راگەیەندراوێکدا ئەمڕۆ دووشەممە رایگەیاند: “شا سەلمان بن عەبدول عەزیز، داخڵی نەخۆشخانەی (مەلیک فەیسەڵ)ی تایبەت کرا بەمەبەستی ئەنجامدانی چەند پشکنینێک بۆ زراوی و چاودێری کردنی باری تەندروستی”.

وابڕیاربوو ئەمڕۆ دووشەممە وەفدێکی عێراق بە سەرۆکایەتی مستەفا کازمی سەرۆک وەزیرانی عێراق لەگەڵ وەزیری دارایی سەردانی وڵاتی سعودیە بکەن و لەو سەردانەدا چاویان بە شای سعودیە و چەند بەرپرسێکی ئەو وڵاتە بکەوێت، وەک یەکەم سەردانی کازمی بۆ وڵاتانی دەرەوە دوای دەستبەکاربوونی، بەڵام بەهۆی تێکچوونی باری تەندروستی شا سەلمان سەردانەکە بۆ کاتێکی نادیار دواخرا.

بەشی بکە لە
Previous Next
Close
Test Caption
Test Description goes like this