ئیمارات وەك یەكەم وڵاتی عەرەبی کەشتی ئاسمانی رەوانەی مەریخ کرد

0
490

SNN

ئیمارات وەک یەکەم وڵاتی عەرەبی و ئیسلامی كەشتی ئاسمانی رەوانەی هەسارەی مەریخ كرد و ئامانجی پڕۆژەكە دروستكردنی شارێكە لەسەر مەریخ تا ساڵی 2117.

ئەو کەشتییە ئاسمانییەی ئیمارات ناوی (ئەمەل)ە، سەرلەبەیانی بە کاتی ژاپۆن لە ناوەندی ئاسمانی تانێگاشیما لە ژاپۆن، رەوانەی بۆشایی ئاسمان کرا و لە حەوت مانگی داهاتوودا گەشتەکەی بەردەوام دەبێت تا دەگاتە ئامانجەکەی کە گەیشتنە بە هەسارەی مەریخ.

تیمی سەرپەرشتیاری پڕۆژەکەش بە میدیاکانی راگەیاندووە، :هیچ گرفتێکیان لە رەوانەکردنی کەشتییە ئاسمانییەکەدا نەبووە و لە ئێستاشدا لەگەڵ کەشتییە ئاسمانیەکەدا لە پەیوەندیدان.

ئیمارات ساڵی 2014 لە 50هەمین ساڵیادی دامەزراندنی ئیماراتدا پلانی رەوانەکردنی یەکەم کەشتی ئاسمانی ئیماراتی بۆ هەسارەی مەریخ راگەیاند، ئەم هاوینەش بە گونجاوترین کات بۆ رەوانەکردنی ئەو کەشتییە دیاریکرا لەکاتێکدا کە زەوی و مەریخ لە نزیکترین خاڵی خولگەی خۆرەوە نزیکبوونەتەوە.

ئەم نزیکبوونەوەیە دیاردەیەکی دەگمەنە و لە 26 مانگدا یەکجار روودەدات.

بەشی بکە لە
Previous Next
Close
Test Caption
Test Description goes like this