دوای 35 ساڵ مەلا بەختیار رووداوی هەڵکوتانە سەر ئاڵای شۆڕش رووندەکاتەوە

0
1840

SNN- هه‌وراز ئه‌حمه‌د

مه‌لا به‌ختیار پاش ماوه‌یه‌كى زۆر له ‌بێده‌نگى و دووركه‌وتنه‌وه‌ى له سیاسه‌ت، كتێبى ‌(لەبرى بیره‌وه‌رى) له ‌دووتوێى (600) لاپه‌ڕه‌دا بڵاوده‌كاته‌وه.

مەلا بەختیار وه‌ڵامى ئه‌و پرسیارانه‌‌ دەداته‌وه ‌كه ‌له ‌هزرى هه‌زاران خوێنه‌رى كورد دایه‌، چونكه ‌له ‌هه‌موو ئه‌و یاده‌وەری و كتێب و نووسینانه‌ى له‌سه‌ر شۆڕش نووسراون له ‌دامه‌زراندنى یه‌كێتییه‌وه‌، به‌ جۆرێك له ‌جۆره‌كان ناوى ئەمیش هاتووه‌ته‌ ئاراوه‌، دەشڵێت: “لەو نووسین و گێڕانەوانەی پیشوودا تیایەتی بە باش باس كراوم و هه‌شه‌ تۆمه‌تى بۆ هه‌ڵبه‌ستووم یان ره‌خنه‌ى لێگرتووم، بۆیه‌ كه‌مێك په‌له‌م نییه‌ له ‌روونكردنه‌وه‌، كات ده‌ده‌م به‌ بڕیار و ساغبوونه‌وه‌ى راستییه‌كان“.

مه‌لا به‌ختیار له‌باره‌ى بڵاوكردنه‌وه‌ و به ‌چاپگه‌یاندنى كتێبى (له‌برى بیره‌وه‌رى) به SNNى راگه‌یاند “ماوه‌یه‌كى زۆره‌ له‌ كه‌ره‌نتیندام، كاتێكى زۆرم هه‌یه‌ و كاتم داوه ‌به‌ راستییه‌كان، له ‌سه‌رده‌مێكدا پێگه‌ى من هى ئه‌وه ‌نه‌بووه ‌خۆم بخه‌مه ‌ئاستى هه‌موو كه‌سێكه‌وه‌ و وه‌ڵامى به‌رپرسه ‌گه‌وره‌كانى یه‌كێتیش بده‌مه‌وه، ‌له‌به‌رئه‌وه ‌وه‌ڵامه‌كانم دواخست تاوه‌كو ئێستا کە هه‌ستم كرد ئیتر كاتێتى، ده‌بێت راستییه‌كان بڵاوبكه‌مه‌وه‌”.

وتیشى: “ئامانج له‌ بڵاوكردنه‌وه‌ى كتێبه‌كه‌ ته‌نیا خستنه‌ڕووى راستییه‌كانى مێژووه‌ و هیچى دیكه‌”.

له‌باره‌ى رێکخراوی ئاڵاى شۆڕشه‌وه‌ مەلا بەختیار وتى: “پێموایه‌ له ‌مێژووى كوردستانى عێراقدا هیچ رێكخراوێك به‌قه‌د (ئاڵاى شۆڕش) غه‌درى لێ نه‌كراوه‌”.

سه‌باره‌ت به‌ دووركه‌وتنه‌وه‌شى له ‌بوارى سیاسه‌ت و هه‌ڵبژاردنى بێده‌نگیى، مه‌لا به‌ختیار رایگه‌یاند “بێده‌نگیى گه‌وره‌ترین ده‌نگه‌”.

له‌باره‌ى واده‌ى بڵاوبوونه‌وه‌ى كتێبى (له‌برى بیره‌وه‌رى) رایگه‌یاند “كتێبه‌كه‌ نزیكه‌ى 40 رۆژى دیكه‌ بڵاوده‌بێته‌وه‌ له ‌دووتوێى (600) لاپه‌ڕه‌دایه‌ و له ‌(7) رشته ‌و (89) ناونیشان پێكهاتووه‌ له‌ چاپێكی رازاوه‌دا ده‌كه‌وێته‌ به‌رده‌ستی خوێنه‌ری كورد و كتێبخانه‌ی كوردی و تێكڕا بابه‌ته‌كانیش له ‌روانگه‌ی ره‌خنه‌گرانه‌ی زانستییه‌وه‌ له ‌سه‌رچاوه ‌راسته‌قینه‌كانه‌وه‌ نووسراون”.

بەشی بکە لە
Previous Next
Close
Test Caption
Test Description goes like this