بێ گوێدانە هۆشدارییەکانی ئەمریکا و ئەڵمانیا و یۆنان، تورکیا بەردەوامە لە گەڕان بەدوای نەوت و غاز

0
195

SNN

دوای ئەوەی تورکیا بڕیاریدا دەستبکات بە گەڕان و پشکنین بەدوای نەوت و غاز لە رۆژهەڵاتی دەریایی سپی ناوەڕاست و بەتایبەت لە دورگەکانی یۆنان، ئەردۆغان راشیگەیاند: گەڕان و پشکنین لە دەریایی سپی ناوەڕاست پێویستی بە پرسی کەس نییە.

دوای ئەم قسانەی ئەردۆغان و ئەو هەڵوێستانەی کە نواندی، ئەمریکا دواین ئاگادارکردنەوە دەداتە تورکیا و پێی رادەگەیەنێت کە ئەو کارانە راگرێت، رۆژنامەکانی تورکیا لە زاری وەزارەتی دەرەوەی ئەمریکاوە چەند هەواڵێک بڵاودەکەنەوەو تێیدا ئاماژە بەوە دەکەن کە ئەمریکا ئاگادارە تورکیا دەستی کردووە بە گەڕان بەدوای نەوت و غازدا لە ناوچە کێشە لەسەرەکانی دەریایی سپی ناوەڕاست.

ئەم ئاگادارکردنەوەیەی ئەمریکا دوای ئاگادارکردنەوەکەی وەزیری دەرەوەی ئەڵمانیا هیکۆ ماس دێت کە وتی: “پێویستە لەسەر تورکیا واز لە دەرهێنانی نەوت و غاز لە دەریایی سپی ناوەڕاست بهێنێت دەست تێوەردان لە لیبیا و رۆژهەڵاتی ناوەڕاست راگرێت گەر دەیەوێت لە یەکێتی ئەوروپا نزیک بێتەوە”.

لە هەمانکاتدا، وەزیری بەرگری یۆنان نیکۆس باناجیۆتۆبۆلۆس بە هاوتا ئەمریکییەکەی مارک ئیسپەری راگەیاند: کە یۆنان لە حاڵەتی ئامادەباشیدایە بۆ هەر پێشێلکارییەکی تورکیا بۆ سەر دورگەکانی و راستەوخۆ وەڵامی سەربازی دەدرێتەوە.

تورکیا لە ی21 حوزەیرانەوە تا 2ی ئاب کەشتییەکی گەورەی بەناوی (یافوز فاتیح) رەوانەی دەریایی سپی ناوەڕاست و دورگەکانی یۆنان کردووە بە مەبەستی کنەو پشکنین بەدوای نەوت و غاز لەو ناوچانەدا، حکومەتی یۆنان رایگەیاند: ئەم کارەی تورکیا دەیکات پێشێلکردنی سەروەری خاکی وڵاتەکەیەتی، چونکە لە هەندێک شوێندا ئەو کەشتییە نزیکبۆتەوە لە دورگەکانی یۆنان.

بەشی بکە لە
Previous Next
Close
Test Caption
Test Description goes like this