پارەکەی یەکێتی بۆ مووچه‌ى پزیشك و كارمه‌ندانی تەندروستیی گەرمیان ڕاده‌ست كرا

0
620

SNN- سیروان حه‌سه‌ن

ئه‌مڕۆ شاندێكى ئه‌نجوومه‌نى سه‌ركردایه‌تى یه‌كێتیی نیشتمانیی کوردستان سه‌ردانى گه‌رمیانی كرد و به‌شى یه‌كه‌مى هاوكارییه‌كان كه‌ مووچه‌ى پزیشك و كارمه‌نده‌كانه،‌ گه‌یەنرایە‌ ته‌ندروستى گه‌رمیان.

گەیاندنی ئەو هاوکارییە دوای ئه‌وه ‌دێت هه‌فته‌ى رابردوو یەکێتیی نیشتمانیی کوردستان به‌ڵێنی دابوو هاوكارى ته‌ندروستیى گه‌رمیان بكات.

سه‌ڵاح كوێخا سه‌رپه‌رشتیارى ئیداره‌ى گه‌رمیان به‌ كه‌ناڵه‌كانى راگه‌یاندنى وت: “ئه‌مڕۆ شاندێكى ئه‌نجوومه‌نى سه‌ركردایه‌تى یه‌كێتى سه‌ردانیان كردوون به‌ ئاماده‌بوونى بەڕێوه‌به‌رى گشتى ته‌ندروستیى به‌شى یه‌كه‌مى هاوكارییه‌كانیان كه‌ بڕى 57 ملیۆن دیناره‌ و بریتییه‌ له‌ مووچه‌ى یه‌ك مانگى كارمه‌ندانى گرێبه‌ستى نه‌خۆشخانه‌ى قه‌ڵا تایبه‌ت به‌ كۆرۆنا، ڕاده‌ستیان كرا”.

وتیشى: “هاوكات ته‌ندروستیى گه‌رمیان ده‌رخسته‌یه‌كى كردووه‌ بۆ پێداویستى و ئامێرى پزیشكى و ئه‌و ده‌رخسته‌یه‌ دراوه‌ته‌ شاندى یه‌كێتى و هه‌ندێكیان له‌ ناوه‌وه‌ى وڵات هه‌یه‌ و هه‌ندێكیشیان له‌ ده‌ره‌وه‌ى وڵاته‌ و بڕیاره‌ له‌م ڕۆژانه‌ ئه‌وانه‌ش دابینبكرێن.

د. سیروان محه‌مه‌د بەڕێوه‌به‌رى گشتى ته‌ندروستیى گه‌رمیان بهSNNى راگه‌یاند: له‌سه‌ر ئه‌و بودجه‌یه‌ى لەلایه‌ن شانده‌كه‌ى یه‌كێتییه‌وه‌ دابینكراوه‌، به‌شێوه‌یه‌كى یاسایى كارمه‌ندیان به‌شێوه‌ى گرێبه‌ست بۆ نه‌خۆشخانه‌ى قه‌ڵا دابینكردووه‌ و ڕۆڵى باشى هه‌بووه‌ ئێستا له‌ ڕووى كارمه‌نده‌وه‌ زۆر به‌ باشى ئیشوكاره‌كانیان بەڕێوه‌ده‌چێت و كاتێكیش وه‌زیرى ته‌ندروستى سه‌ردانى ناوچه‌كه‌ى كردووە،‌ زۆر ڕازیبووه‌ له‌ شێوازى ئیشوكاره‌كان.

بەشی بکە لە
Previous Next
Close
Test Caption
Test Description goes like this