“مێرکڵ رێگری لە دروستبوونی شەڕی نێوان تورکیا و یۆنان کردووە”

0
217

SNN

میدیاکانی ئەڵمانیا بڵاویانکردووەتەوە، ئەنگێلا مێرکڵ راوێژکاری ئەڵمانیا رۆڵی سەرەکی لە هێورکردنەوەی گرژییەکانی نێوان تورکیا و یۆنان هەبووە و ئەو رێگربووە لەبەردەم دروستبوونی شەڕ و پێکدادان لەنێوان ئەو دوو وڵاتەدا.

رۆژنامەی بیڵدی بەریتانی نوسیویەتی، دوای ئەوەی ئەنقەرە کەشتی پشکنینی بۆ گەڕان بەدوای نەوت و گاز لە دوورگەی کاستێلۆریزۆ لە یۆنان ناردووە، نزیک بووە پێکدادانی سەربازی لە نێوان هێزی ئەو دوو وڵاتەدا رووبدات.

بە گوێرەی رۆژنامە ئەڵمانییەکە، مێرکڵ لە دوا ساتدا دەستوەردانی کردووە و پەیوەندی تەلەفۆنی لەگەڵ کیریاکۆس میتسۆتاکیس سەرۆکوەزیرانی یۆنان و رەجەن تەیب ئەردۆغان سەرۆککۆماری تورکیادا ئەنجامدا و گرژییەکانی هێورکردووەتەوە.

ئۆلریکێ دیمیر وتەبێژی حکومەتی ئەڵمانیا بۆ میدیا ئەڵمانییەکەی پشتڕاستکردووەتەوە، رۆژی سێشەممە مێرکڵ لە پەیوەندییەکی تەلەفۆنیدا لەگەڵ ئەردۆغان باسیان لە گرژییەکانی نێوان تورکیا و یۆنان و چەند پرسێکی دیکەش کردووە.

هەوڵەکانی تورکیا بۆ دەستگەیشتن بە نەوت و گازی قوبرس و دوورگەکانی یۆنان، نیگەرانی یۆنان و وڵاتانی ئەوروپای لێکەوتووەتەوە.

بەشی بکە لە
Previous Next
Close
Test Caption
Test Description goes like this