بەرهەم ساڵح پێشوازی لە وەزیری دەرەوەی فنلەندا کرد

0
59

SNN

سەرۆککۆماری عێراق لە کۆشکی بەغدا پێشوازی لە پێکا هاڤیستۆ وەزیری دەرەوەی فنلەندا و شاندێکی یاوەری کرد.

لەو دیدارەدا سەرۆککۆمار جەختی لە گرنگی بەھێزکردنی پەیوەندی دۆستانە و هەماهەنگی لەگەڵ فنلەندا لە زۆربەی بوارەکاندا کرد، بەجۆرێک خزمەت بە بەرژەوەندییە ھاوبەشەکانی هەردوولا بکات.

ھاوکات ئاماژەشیکرد بەوەی عێراق لە پەیوەندییەکانی دەرەوەیدا پشت بە پرەنسیپی هاوسەنگی و دوورکەوتنەوە لە سیاسەتی جەمسەرگیری دەبەستێت، لە پێناو پاراستنی سەروەری و ئارامی عێراق، راشیگەیاند: “عێراق کاری هاوبەش لەگەڵ سەرجەم لایەنەکان دەکات لە پێناو ھێنانەکایەی ئارامی و ئاسایش و سەقامگیری لە ناوچەکەدا”.

لە تەوەرێکی دیکەی دیدارەکەدا سەرۆککۆمار گرنگی عێراقی نیشاندا بۆ درێژەدان بە هەوڵە نێودەوڵەتییەکان لە جەنگی دژ بە تیرۆر و وشککردنی سەرچاوەی دارایی گروپە تیرۆریستییەکان، لە پێناو هێنانەدی ئاشتی و ئاسایش لە ناوچەکە و جیھاندا.

لەلای خۆیەوە وەزیری دەرەوەی فنلەندا پابەندبوون و سوربوونی وڵاتەکەی دووپاتکردەوە بۆ پتەوکردنی ئاسۆی هاریکاری هاوبەش لەگەڵ عێراق لە تەواوی بوارەکاندا، ھەروەھا ئاماژەشیکرد بۆ قوڵی پەیوەندییە دوو قۆڵییەکانی نێوان هەردوو وڵات و پێویستی پەرەپێدانی بۆ ئاستێکی بەرزتر.

بەشی بکە لە
Previous Next
Close
Test Caption
Test Description goes like this