12 یاریزانی بەرشەلۆنە بۆ فرۆشتن

0
1512
چوار لە یاریزانە فرۆشراوەکان

SNN Sport

یانەی بەرشەلۆنەی ئیسپانی 12 یاریزانی لە بازاڕی گواستنەوەی یاریزانان لەمساڵدا دەفرۆشێت و ئەوەش نیوەی پێکهاتەکەیەتی.

رۆژنامەی مارکای ئیسپانی پێکهاتەیەکی 12 یاریزانی یانەی بەرشەلۆنەی بڵاوکردووەتەوەو نوسیویەتی” بەرشەلۆنە بۆ فرۆشتن”.

رۆژنامەکە دەڵێت:” هێشتا وەرزەکە کۆتایی نەهاتووە و بە نسبەت یانەکەوە خولی یانە پاڵەوانەکان ماوە، ئەو یانەیە پلان بۆ فرۆشتنی یاریزانەکانی لە گواستنەوەکانی ئەم هاوینە دادەنێت و ئامانجی سەرەکیشی گواستنەوەی لاوتارۆ مارتینێزی هێرشبەری یانەی ئینتەرمیلانە، بەڵام ئەوەش دەەزانێت کە فرۆشتنی یاریزانەکانی هەروا ئاسان نیە، چەند یاریزانێک متمانەی کیکی سیتینی راهێنەرو یانەکەی لە دەستداوە،لە ئێستادا 12 یاریزان ئامادەن بۆ فرۆشتن و یاریزانەکانیش ئەمانەن..

نیتۆ، تۆدیۆ، ئۆمتیتی، جۆنیۆرفیربۆ، سیمیدۆ، راکیتچ، رافینیا، ئەلینا، ڤیدال، برایسوایت، کۆتینیۆ و عوسمان دیمبلی.

یانەی بەرشەلۆنە ئەم وەرزەی بە دۆڕانی نازناوی لالیگا بە کۆتا هێنا، لە ئێستادا ئامانجی یاری گەڕانەوەی قۆناغی شانزەی خولی یانە پاڵەوانەکانە بەرامبەر بە ناپۆلی و دەیەوێت ئەم یارییە بباتەوەو بۆ قۆناغی داهاتوو سەربکەوێت، لە ئەگەری دۆڕانی و کرانە دەرەوەی لە خولەکە، ئەوا لە وەرزی داهاتوو کیکی سیتین راهێنەری ئەم یانەیە نابێت.

 

بەشی بکە لە
Previous Next
Close
Test Caption
Test Description goes like this