بنكه‌ى سه‌ربازى بسمایه‌ راده‌ستى هێزه‌ ئه‌منییه‌كانى عێراق كرایه‌وه‌

0
232
هێزه‌كانى ئه‌مریكا له‌ عێراق كه‌ به‌شێكن له‌ هاوپه‌یمانى نێوده‌وڵه‌تى | فۆتۆ: Sgt. Robert G Gavaldon / US Marine Corps

SNN

به‌یانى ئه‌مڕۆ شه‌ممه‌، هاوپه‌یمانى نێوده‌وڵه‌تى دژى داعش بنكه‌ى سه‌ربازى (بسمایه‌)ى راده‌ستى هێزه‌ ئه‌منییه‌كانى عێراق كرده‌وه‌.

كه‌مێك له‌مه‌وبه‌ر ئاژانسى هه‌واڵى عێراق بڵاویكرده‌وه‌، “هاوپه‌یمانى نێوده‌وڵه‌تى دژى داعش به‌ فه‌رمى بنكه‌ى سه‌ربازى بسمایه‌یان چۆڵكردووه‌ و راده‌ستى هێزه‌ ئه‌منییه‌كانى عێراقییان كردووه‌ته‌وه‌، له‌ ئێستادا هێزه‌ عێراقییه‌كان له‌و بنكه‌ سه‌ربازییه‌دا جێگیر كراون”.

بنكه‌ى سه‌ربازى بسمایه كه‌ ده‌كه‌وێته‌ باشوورى ڕۆژهه‌ڵاتى به‌غدا هێزه‌كانى ئیسپانیا و ئه‌مریكاى تێدا جێگیربوون كه‌ به‌شێكن له‌ هاوپه‌یمانى نێوده‌وڵه‌تى دژى داعش.

پێشتر فه‌رمانده‌یى ئۆپراسیۆنه‌ هاوبه‌شه‌كانى عێراق بڵاویكرده‌وه‌، “هاوپه‌یمانى نێوده‌وڵه‌تى پێى راگه‌یاندوون كه‌ بنكه‌كه‌ راده‌ستى ئه‌وان ده‌كه‌نه‌وه‌”.

راده‌ستكردنه‌وه‌ى ئه‌و بنكه‌یه‌ له‌كاتێكدایه‌ كه‌ دوێنێ هه‌ینى چوار مووشه‌كى كاتیۆشا ئاراسته‌ى ئه‌و بنكه‌یه‌ كران، به‌ڵام هیچ زیانێكى گیانى لێ نه‌كه‌وته‌وه‌.

بەشی بکە لە
Previous Next
Close
Test Caption
Test Description goes like this