كاتانیچ نیگه‌رانه ئاماده‌كارییه‌كانی هه‌ڵبژارده‌ی عێراق
کاتانیچی راهێنەری عێراق
SNN Sport
سه‌رچاوه‌یه‌كی نزیك له كاتانیچی سلۆڤینی و راهێنه‌ری هه‌ڵبژارده‌ی تۆپی پێی عێراق، نیگه‌رانی ناوبراوی ئاشكراكرد سه‌باره‌ت به ئاماده‌كارییه‌كانی هه‌ڵبژارده‌ی عێراق بۆ پاڵاوتنه هاوبه‌شه‌كانی گەیشتن بە جامی ئاسیای 2023 و مۆندیالی 2022ی قەتەر، به تایبه‌تی پاش هه‌ڵوه‌شاندنه‌وه‌ی خولی عێراق و به‌رده‌وامی خوله‌كانی ئەو وڵاتانەی کە له گروپی سێیه‌م شان به شانی عێراق یاری دەکەن و ئەوانیش بریتین لە ئێران ، به‌حرەین ، هۆنگ كۆنگ و كه‌مبۆدیا.
سه‌رچاوه‌كه له لێدوانێكی رۆژنامه‌وانیدا کە میدیا عێراقییەکان بڵاویانکردووەتەوە وتی:” كاتانیچ نیگه‌رانه بۆ ئاماده‌كارییه‌كانی هه‌ڵبژارده‌كه و خوازیار بوو به سازكردنی پاڵه‌وانێتییەکی به‌هێزكردن كه بڕیار بوو پێش ده‌ستپێكردنی وه‌رزی داهاتوو ساز بكرێت ، ئەمەش بۆ وه‌ستان له سه‌ر ئاستی یاریزانان و بڕیاردرا به هه‌ڵوه‌شاندنه‌وه‌ی ئه‌م پاڵه‌وانێتییه ” .
هه‌روه‌ها وتی:” راهێنه‌ر به‌دواداچوون بۆ ئاستی یاریزانه پیشه‌گه‌ره‌كان ده‌كات له میانه‌ی ئاستیان له خوله‌كانی ده‌ره‌وه ، له به‌رامبه‌ردا به ئاگا نیه له سه‌ر ئاستی یاریزانانی ناوخۆ لە وڵاتەکەدا “.
كاتانیچ پێشتر لیستێكی بانگهێشتكردبوو كه له 35 یاریزان پێكهاتبوون له نێویان یاریزانی پیشه‌گه‌ر و ناوخۆی باشی تێدا بوو.
پەرەپێدراوە و دروستکراوە